1 LIKETSAHALO 25

₁Bo-Davida le balaoli ba mabōtho ba khetha ba bang ba bara ba Asafo, le ba Hemane, le ba Jedutune, hore ha liharepa, le likatara, le matlheretlhere, li ba kenya moea, ba phatlalatse molaetsa oa Molimo. Lenane la banna ba neng ba sebetsa mosebetsi ona ke lena: ₂Har'a bara ba Asafo e ne e le Sakure, le Josefa, le Netaniea, le Asarela. Ba ne ba okametsoe ke Asafo, ea neng a phatlalatsa molaetsa ho ea ka taelo ea khosi. ₃Har'a bara ba Jedutune e ne e le Gedaleea, le Seri, le Jeshaea, le Shimei, le Hashabiea, le Matiteea. Ba ne ba tšeletse, 'me ba okametsoe ke ntat'a bona Jedutune, ea neng a letsa harepa ha a phatlalatsa molaetsa oa Molimo, a leboha Morena, a bile a mo rorisa. ₄Har'a bara ba Hemane teng e ne e le Bukiea, le Mataneea, le Usiele, le Shubuele, le Jerimote, le Hananiea, le Hanani, le Eleata, le Gidaleti, le Romameti-Esere, le Joshebekasha, le Maloti, le Hotire, le Mahasiote. ₅Bana bohle e ne e le bara ba Hemane, senōhe sa khosi litabeng tsa Molimo. Molimo a matlafatsa Hemane ka ho mo fa bara ba leshome le metso e mene, le barali ba bararo.

₆Batho bana bohle ba ne ba okametsoe ke ntat'a bona, ba bina ka Tempeleng ea Morena; ba letsa matlheretlhere, le likatara, le liharepa, nakong ea litšebeletso ka Tempeleng ea Molimo, ho latela taelo ea khosi ho bo-Asafo, le Jedutune, le Hemane. ₇Bana bohle, hammoho le bang ka bona, ba ne ba rutiloe, 'me ba tseba ho binela Morena. Ba ne ba le makholo a mabeli, le mashome a robeli a metso e robeli. ₈Bacha le maqheku, baruti le barutuoa, ba abeloa mosebetsi ka lōtho, ka ho tšoana.

₉Lōtho la pele, e leng la lelapa la Asafo, la ntša Josefa. La bobeli la ntša Gedaleea, le bana babo, le bara ba hae, 'me kaofela ba e-ba leshome le metso e 'meli. ₁₀La boraro la ntša Sakure, le bara ba hae, le bana babo, 'me kaofela ba e-ba leshome le metso e 'meli. ₁₁La bone la ntša Isiri, le bara ba hae, le bana babo, 'me kaofela ba e-ba leshome le metso e 'meli. ₁₂La bohlano la ntša Netaniea le bara ba hae, le bana babo, 'me kaofela ba e-ba leshome le metso e 'meli. ₁₃La botšelela la ntša Bukiea, le bara ba hae, le bana babo, 'me kaofela ba e-ba leshome le metso e 'meli. ₁₄La bosupa la ntša Jesharela, le bara ba hae, le bana babo, 'me kaofela ba e-ba leshome le metso e 'meli. ₁₅La borobeli la ntša Jeshaea, le bara ba hae, le bana babo, 'me kaofela ba e-ba leshome le metso e 'meli. ₁₆La borobong la ntša Mataneea, le bara ba hae, le bana babo, 'me kaofela ba e-ba leshome le metso e 'meli. ₁₇La leshome la ntša Shimei, le bara ba hae, le bana babo, 'me kaofela ba e-ba leshome le metso e 'meli. ₁₈La leshome le motso o mong la ntša Asariele, le bara ba hae, le bana babo, 'me kaofela ba e-ba leshome le metso e 'meli. ₁₉La leshome le metso e 'meli la ntša Hashabiea, le bara ba hae, le bana babo, 'me kaofela ba e-ba leshome le metso e 'meli. ₂₀La leshome le metso e meraro la ntša Shubaele, le bara ba hae, le bana babo, 'me kaofela ba e-ba leshome le metso e 'meli. ₂₁La leshome le metso e mene la ntša Matiteea, le bara ba hae, le bana babo, 'me kaofela ba e-ba leshome le metso e 'meli. ₂₂La leshome le metso e mehlano la ntša Jerimote, le bara ba hae, le bana babo, 'me kaofela ba e-ba leshome le metso e 'meli. ₂₃La leshome le metso e tšeletseng la ntša Hananiea, le bara ba hae, le bana babo, 'me kaofela ba e-ba leshome le metso e 'meli. ₂₄La leshome le metso e supileng la ntša Joshebekasha, le bara ba hae, le bana babo, 'me kaofela ba e-ba leshome le metso e 'meli. ₂₅La leshome le metso e robeli la ntša Hanani, le bara ba hae, le bana babo, 'me kaofela ba e-ba leshome le metso e 'meli. ₂₆La leshome le metso e robong la ntša Maloti, le bara ba hae, le bana babo, 'me kaofela ba e-ba leshome le metso e 'meli. ₂₇La mashome a mabeli la ntša Eleata, le bara ba hae, le bana babo, 'me kaofela ba e-ba leshome le metso e 'meli. ₂₈La mashome a mabeli a motso o mong la ntša Hotire, le bara ba hae, le bana babo, 'me kaofela ba e-ba leshome le metso e 'meli. ₂₉La mashome a mabeli a metso e 'meli la ntša Gidaleti, le bara ba hae, le bana babo, 'me kaofela ba e-ba leshome le metso e 'meli. ₃₀La mashome a mabeli a metso e meraro la ntša Mahasiote, le bara ba hae, le bana babo, 'me kaofela ba e-ba leshome le metso e 'meli. ₃₁La mashome a mabeli a metso e mene la ntša Romameti-Esere, le bara ba hae, le bana babo, 'me kaofela ba e-ba leshome le metso e 'meli.