PESALEME YA 46

₁Modimo ke setshabelo sa rona le matla a rona, ke thuso e fetisisang ditsietsing. ₂Ka baka leo, re ke ke ra tshoha, leha lefatshe le ka sisinyeha, mme dithaba tsa tsokotseha mahareng a mawatle; ₃leha maqhubu a wona a ka duma, a ntsha mafilo, mme bohale ba wona ba sisinya dithaba! (Sela.)

₄Noka e teng eo melatswana ya yona e nyakallisang motse wa Modimo, sehalalelo sa meaho ya Mookamedi ya phahameng. ₅Modimo o mahareng a wona; o ke ke wa sisinyeha; o fuwa thuso ke Modimo e sa le mafube a meso. ₆Ditjhaba di mohorohoro, mebuso e a sisinyeha. Modimo o utlwahatsa lentswe la wona, lefatshe le a qhibiliha. ₇Jehova wa makgotla o na le rona, Modimo wa Jakobo ke qhobosheane ya rona! (Sela.)

₈Tloong, le bohe diketso tsa Jehova, kamoo a sentseng lefatshe kateng. ₉O fedisitse dintwa le ho isa pheletsong ya lefatshe, o robile diqha, a robakanya marumo, a tjhesa makoloi a ntwa mollong. ₁₀Tlohelang, mme le tsebe hoba ke nna Modimo o busang ditjhaba, o busang lefatshe! ₁₁Jehova wa makgotla o na le rona, Modimo wa Jakobo ke qhobosheane ya rona! (Sela.)