PESALEME YA 124

₁Hola e se be Jehova ya re lwanetseng, — Iseraele a ke a rialo! — ₂hola e se be Jehova ya re hauhetseng, mohla batho ba neng ba re phahamela, ₃ba ka be ba re hohlomeditse re ntse re utlwa, mohla bohlanya ba bona bo re tukelang; ₄mehleng eo, metsi a ka be a re kgurumeditse, mme diphororo di ka be di fetile hodima meya ya rona. ₅Metsi a phorosetsang a ka be a fetile hodima meya ya rona.

₆Ho roriswe Jehova ya sa kang a re neela ho rusollwa ke meno a bona! ₇Moya wa rona o phonyohile jwaloka nonyana lerabeng la motshwasi; leraba le ne le kgaohe, ra phonyoha.

₈Thuso ya rona e lebitsong la Jehova, ya entseng mahodimo le lefatshe.