PESALEME YA 1

₁Ho lehlohonolo motho ya sa lateleng keletso ya bakgopo, ya sa emeng tseleng ya baetsadibe, ya sa duleng mokgatlong wa basomi; ₂empa a ithabela malaong wa Jehova, molao wa wona a o nahana motshehare le bosiu. ₃O jwaloka sefate se hlomilweng pela metsi a kwellang, se beang ditholwana tsa sona ka kgwedi ya tsona, seo mahlaku a sona a sa foforeheng; seo a se etsang kaofela se a mo atla.

₄Empa bakgopo ha ba jwalo, ba jwaloka mooko o fefolwang ke moya; ₅le kahlolong bakgopo ba ke ke ba ema, leha e le baetsadibe phuthehong ya ba lokileng. ₆Hobane Jehova o tseba tsela ya ba lokileng, empa tsela ya bakgopo e fella tshenyehong.