NUMERE 26

₁Kamora sewa seo, Jehova a bua le Moshe le Eleasare, mora wa moprista Aarone, a re: ₂Balang phutheho kaofela ya bana ba Iseraele, ka matlo a bontata bona, ho qala ka ba dilemo tse mashome a mabedi le ba ka pele ho moo, e leng bohle ba Iseraele ba ka yang ntweng. ₃Moshe le moprista Eleasare ba fela ba bua le bona mahwatateng a Moabe, haufi le Jordane, mabapa le Jeriko; ₄ba re: Ho balwe ba dilemo tse mashome a mabedi le ba ka pele ho moo, kamoo Jehova a laetseng Moshe kateng, mohla Baiseraele ba tswileng naheng ya Egepeta.

₅Rubene ke mora wa letsibolo wa Iseraele. Bana ba Rubene ke Henoke; ka yena ho hlahile ntlo ya Bahenoke; Pallu le ntlo ya Bapallu; ₆Hetsrone le ntlo ya Bahetsrone; Karmi le ntlo ya Bakarmi. ₇Ke wona ao matlo a Barubene; batho ba bona ba kileng ba balwa, ba etsa dikete tse mashome a mane a metso e meraro tse nang le makgolo a supileng a mashome a mararo. ₈Mora wa Pallu ke Eliabe. ₉Bara ba Eliabe ke boNemuele, Dathane le Abirame. Ke Dathane eo le Abirame eo, banna ba neng ba memelwa phutheho, ba kileng ba lwantsha Moshe le Aarone sehlopheng sa Kore, mohla ba ikgantshetsang Jehova. ₁₀Lefatshe la ahlamisa molomo wa lona, la ba metsa hammoho le Kore; mollo wa timetsa batho ba makgolo a mabedi a nang le mashome a mahlano, ba neng ba bokane; ya eba temoso ho setjhaba. ₁₁Empa bara ba Kore ha ba ka ba eshwa.

₁₂Bara ba Simeone ka matlo a bona, ke bana: ka Nemuele ho hlahile ntlo ya Banemuele; ka Jamine ntlo ya Bajamine; ₁₃ka Jakine ntlo ya Bajakine; ka Serake ntlo ya Baserake; ka Saule ntlo ya Basaule. ₁₄Ke wona ao matlo a Basimeone, ka palo ya bona; ke batho ba dikete tse mashome a mabedi a metso e mmedi tse nang le makgolo a mabedi.

₁₅Bara ba Gade, ka matlo a bona, ke bana: ka Tsefone ho hlahile ntlo ya Batsefone; ka Haggi ntlo ya Bahaggi; ka Shuni ntlo ya Bashuni; ₁₆ka Osni ntlo ya Baosni; ka Eri ntlo ya Baeri; ₁₇ka Arode ntlo ya Baarode; ka Areeli ntlo ya Baareeli. ₁₈Ke wona matlo a bara ba Gade, ka palo ya bona; ke batho ba dikete tse mashome a mane tse nang le makgolo a mahlano.

₁₉Bara ba Juda ke Ere le Onane; empa Ere le Onane ba eshwa fatsheng la Kanana. ₂₀Bara ba Juda ke bana ka matlo a bona; ka Shela ho hlahile ntlo ya Bashela; ka Peretse ntlo ya Baperetse; ka Serake ntlo ya Baserake. ₂₁Bara ba Peretse ya eba Hetsrone; ka yena ho hlahile ntlo ya Bahetsrone; ka Hamule ntlo ya Bahamule. ₂₂Ke wona matlo a Bajuda, ka palo ya bona; ke batho ba dikete tse mashome a supileng a metso e tsheletseng tse nang le makgolo a mahlano.

₂₃Bara ba Issaskare, ka matlo a bona, ke bana: ka Thola ho hlahile ntlo ya Bathola; ka Puna ntlo ya Bapuna; ka Jashube ntlo ya Bajashube; ₂₄ka Shimrone ntlo ya Bashimrone. ₂₅Ke wona matlo a Issaskare, ka palo ya bona; ke batho ba dikete tse mashome a tsheletseng a metso e mene tse nang le makgolo a mararo.

₂₆Bara ba Sabulone, ka matlo a bona, ke bana: ka Serede ho hlahile ntlo ya Baserede; ka Elone ntlo ya Baelone; ka Jahaleele ntlo ya Bajahaleele. ₂₇Ke wona matlo a Basabulone, ka palo ya bona; ke batho ba dikete tse mashome a tsheletseng tse nang le makgolo a mahlano.

₂₈Bara ba Josefa, ka matlo a bona, ke boManasse le Efraime.

₂₉Bara ba Manasse ke bona bana: ka Makire ho hlahile ntlo ya Bamakire. Makire a tswala Gileade. Ka Gileade ho hlahile ntlo ya Bagileade. ₃₀Bara ba Gileade ke bana: ka Jesere ho hlahile ntlo ya Bajesere; ka Heleke ntlo ya Baheleke; ₃₁ka Asriele ntlo ya Baasriele; ka Sikeme ntlo ya Basikeme; ₃₂ka Shemida ntlo ya Bashemida; ka Hefere ntlo ya Bahefere. ₃₃Tselofkade, mora Hefere, ha a ka a ba le bara, empa a ba le baradi. Ke wona mabitso a baradi ba Tselofkade: Makla, Nowa, Hogla, Milka le Thirtsa. ₃₄Ke wona matlo a Bamanasse, ka palo ya bona; ke batho ba dikete tse mashome a mahlano a metso e mmedi tse nang le makgolo a supileng.

₃₅Ke bana bara ba Efraime, ka matlo a bona: Ka Shutela ho hlahile ntlo ya Bashutela; ka Bekere ntlo ya Babekere; ka Thakane ntlo ya Bathakane. ₃₆Ke bana bara ba Shutela: ka Erane ho hlahile ntlo ya Baerane. ₃₇Ke wona matlo a bara ba Efraime, ka palo ya bona; ke batho ba dikete tse mashome a mararo a metso e mmedi tse nang le makgolo a mahlano. Ke bona bara ba Josefa, ka matlo a bona.

₃₈Bara ba Benjamine ka matlo a bona ke bana: ka Bela ho hlahile ntlo ya Babela; ka Ashbele ntlo ya Baashbele; ka Akirame ntlo ya Baakirame; ₃₉ka Shufame ntlo ya Bashufame; ka Hufame ntlo ya Bahufame. ₄₀Bara ba Bela ke boArade le Naamane. Ka Arade ho hlahile ntlo ya Baarade; ka Naamane ntlo ya Banaamane. ₄₁Ke bona bara ba Benjamine ka matlo a bona, le ka palo ya bona; ke batho ba dikete tse mashome a mane a metso e mehlano tse nang le makgolo a tsheletseng.

₄₂Bara ba Dane ke bana ka matlo a bona: ka Shukame ho hlahile ntlo ya Bashukame. Ke wona matlo a Badane, ka matlo a bona. ₄₃Bashukame ka matlo wohle a bona le ka palo ya bona, ke batho ba dikete tse mashome a tsheletseng a metso e mene tse nang le makgolo a mane.

₄₄Bara ba Asere ke bana, ka matlo a bona: ka Jimna ho hlahile ba ntlo ya Bajimna; ka Jishvi ntlo ya Bajishvi; ka Beria ntlo ya Baberia. ₄₅Ka bara ba Beria ho hlahile Hebere le ntlo ya Bahebere; Malkiele le ntlo ya Bamalkiele. ₄₆Lebitso la moradi wa Asere e ne e le Sera. ₄₇Ke wona matlo a bara ba Asere ka palo ya bona; ke batho ba dikete tse mashome a mahlano a metso e meraro tse nang le makgolo a mane.

₄₈Bara ba Nefthali ke bana ka matlo a bona: ka Jahtseele ho hlahile ntlo ya Bajahtseele; ₄₉ka Guni ntlo ya Baguni; ka Jetsere ntlo ya Bajetsere; ka Shilleme ntlo ya Bashilleme. ₅₀Ke wona matlo a Banefthali, ka matlo a bona; ba badilweng ba bona ke batho ba dikete tse mashome a mane a metso e mehlano tse nang le makgolo a mane.

₅₁Ke bona bao bara ba Iseraele ba kileng ba balwa, e leng ba dikete tse makgolo a tsheletseng a motso o mong tse nang le makgolo a supileng a mashome a a mararo.

₅₂Jehova a bua le Moshe, a re: ₅₃Lefatshe le tla arolelwa bona, ba tle ba le rue, ka palo ya mabitso: ₅₄ba fetisang ka bongata o tla ba nea lefa le fetisang ka boholo, ba banyenyane ka palo ya bona o tla ba nea lefa le lenyenyane; e mong le e mong o tla newa lefa le lekaneng le palo ya ba badilweng ba leloko la hae. ₅₅Empa lefatshe le tla arolwa ka lotho; ba tla le newa ka mabitso a meloko ya bontata bona. ₅₆Ke ka taolo ya lotho lefatshe le tla arolwa ba leng bangata le ba seng bakae.

₅₇Ke bana Balevi ba kileng ba balwa ka matlo a bona: ka Gershone ho hlahile ntlo ya Bagershone; ka Kehathe ntlo ya Bakehathe; ka Merari ntlo ya Bamerari. ₅₈Ke ana matlo a Levi: ntlo ya Badibni, ntlo ya Bahebrone, ntlo ya Bamahadi, ntlo ya Bamushi, ntlo ya Bakore. Kehathe a tswala Amrame.

₅₉Lebitso la mohatsa Amrame e ne e le Jokebede, moradi wa Levi, ya tswaletsweng Levi Egepeta; a tswalla Amrame Aarone, Moshe le Miriame, kgaitsedi ya bona. ₆₀Aarone a tswallwa Nadabe le Abihu, Eleasare le Ithamare. ₆₁Nadabe le Abihu ba eshwa, mohla ba tlisitseng mollo osele pela sefahleho sa Jehova. ₆₂Ba badilweng ba bona, e leng ba batona bohle, ho qala ka ba kgwedi e le nngwe ho isa ho ba ka pele ho moo, ya eba dikete tse mashome a mabedi a metso e meraro. Ha ba ka ba balwa palong ya bana ba Iseraele, kahobane ha ba ka ba newa lefa hara bana ba Iseraele.

₆₃Bana ba Iseraele ke bao, bao Moshe le moprista Eleasare ba kileng ba ba bala mahwatateng a Moabe, haufi le Jordane, mabapa le Jeriko. ₆₄Hara bona ho ne ho se le a mong wa bana ba Iseraele bao Moshe le moprista Aarone ba neng ba badile palo ya bona feelleng la Sinai. ₆₅Hobane Jehova o ne a itse: Ba tla shwela feelleng; mme ho ke ke ha sala leha a le mong, haese Kalebe, mora Jefunne, le Joshua, mora Nune.