NEHEMIA 12

₁Baprista le Balevi ba kileng ba falla Babilona le Sorobabele, mora Salathiele, le Joshua, ke Seraia, Jeremia, Esdrase, ₂Amaria, Malluke, Hattushe, ₃Shekania, Rehume, Meremothe, ₄Iddo, Ginnethoi, Abija, ₅Mijamine, Maadia, Bilga. ₆Shemaia, Jojaribe, Jedaia, ₇Sallu, Amoke, Hilkia, le Jedaia. E ne e le bona dihlooho tsa baprista le tsa banababo bona mehleng ya Joshua. ₈Balevi e ne e le Joshua, Binnui, Kadmiele, Sherebia, Juda, Matthania, ya neng a tsamaisa difela, e le yena le banababo. ₉Bakbukia, le Unni, le banababo bona ba ne ba lebela hammoho le bona.

₁₀Joshua a tswala Jojakime, Jojakime a tswala Eliashibe, Eliashibe a tswala Jojada; ₁₁Jojada a tswala Jonathane, Jonathane a tswala Jaddua.

₁₂Mehleng ya Jojakime, dihlooho tsa matlo a bontata baprista e ne e le Meraia lesikeng la Seraia, le Hanania lesikeng la Jeremia; ₁₃le Meshullame ho la Esdrase, le Johanane ho la Amaria, ₁₄le Jonathane ho la Malluke, le Josefa ho la Shebania; ₁₅le Adna ho la Harime; le Helkai ho la Merajothe; ₁₆le Sakaria ho la Iddo; le Meshullame ho la Ginnethone; ₁₇le Sikri ho la Abija; le Pilthai ho la Minjamine le ho la Moadia; ₁₈le Shammua ho la Bilga; le Jonathane ho la Shemaia; ₁₉le Matthnai ho la Jojaribe; le Ussi ho la Jedaia; ₂₀le Kallai ho la Sallai; le Ebere ho la Amoke; ₂₁le Hashabia ho la Hilkia; le Nethaneele ho la Jedaia.

₂₂Haele Balevi, mabitso a dihlooho tsa matlo a bontata bona a ngolwa mehleng ya Eliashibe, le Jojada, le Johanane, le Jaddua; baprista bona, mabitso a dihlooho tsa bona a ngolwa mehleng ya puso ya Dariuse, Mopersia. ₂₃Bana ba Levi, bao e neng e le dihlooho tsa matlo a bontata bona, mabitso a bona a ngolwa bukeng ya ditaba tsa mmuso ho isa mehleng ya Johanane, mora Eliashibe. ₂₄Dihlooho tsa Balevi e ne e le Hashabia, Sherebia, le Joshua, mora Kadmiele; ba ne ba na le banababo bona ho boka le ho rorisa Jehova ka taelo ya Davida, monna wa Modimo, ka dihlopha tse tadimanang. ₂₅Haele Matthania, Bakbukia, Abdiase, Meshullame, Thalmone, Akkube, dibohodi le balebedi ba menyako, ba ne ba lebela mediko e pela menyako ya motse. ₂₆Bao ba ne ba le teng mehleng ya Jojakime, mora Joshua, mora Jotsadake, le mehleng ya Nehemia, mmusisi, le ya Esdrase moprista le mongodi.

₂₇Mohla kgakolo ya lerako la Jerusalema, Balevi ba ya latwa metseng yohle ya bona, ha thwe, ba tle Jerusalema, ba tle ba etse kgakolo ka thabo le ka dithoko le ka difela, ka disimbala le diphala le diharepa. ₂₈Bana ba dibini le bona ba phutheha naheng e teetseng Jerusalema hare le metseng ya Banethofa, ₂₉le Bethe-Gilgale, le naheng ya Geba le Asmavethe; hobane dibini di ne di ikgahetse metse ka nqa tsohle ho Jerusalema. ₃₀Baprista le Balevi ba itlhwekisa, hape ba hlwekisa setjhaba le menyako le lerako.

₃₁Yaba ke hlwesetsa dihlooho tsa Juda hodima lerako, ka bea dihlopha tse pedi tse kgolo tse binang, di eme ka ho koloka; se seng sa tsamaya hodima lerako nqa ho le letona, se lebile monyakong wa Moitedi; ₃₂sa latelwa ke Hosea le karolo e nngwe ya dihlooho tsa Juda, ₃₃le Asaria, le Esdrase, le Meshullame; ₃₄le Juda le Benjamine, le Shemaia, le Jeremia, ₃₅le bara ba baprista ba tshwereng diterompeta, Sakaria, mora Jonathane, mora Shemaia, mora Matthania, mora Mikea, mora Sakkure, mora Asafe, ₃₆le banababo e leng Shemaia, le Asareele, Milalai, Gilalai, Maai, Nethaneele, le Juda, le Hanani, ba ena le diletsa tsa Davida, monna wa Modimo. Mongodi Esdrase yena o ne a ba eteletse pele. ₃₇Eitse ha ba fihla monyakong wa Sediba, maloka le moo ba leng teng, ba ehlwa ka methati ya motse wa Davida ka moepa wa lerako le okametseng ntlo ya Davida, ho ya fihla monyakong wa Metsi, nqa botjhabatsatsi. ₃₈Sehlopha sa bobedi se binang sa tsamaya se ile ho teana le sa pele, ke se setse morao ke ena le karolo e nngwe ya setjhaba; ra tsamaya hodima lerako le okametseng tora ya Dibopi ho isa lerakong le sephara; ₃₉le kahodimo ho monyako wa Efraime, le monyako wa Kgale, le monyako wa Dihlapi, le tora ya Kananeele, le tora ya Hammea, ho ya fihla monyakong wa Dinku, mme ba ema monyakong wa Teronko. ₄₀Dihlopha tse pedi tse binang tsa ema pela ntlo ya Modimo, le nna ka ema jwalo re ena le karolo e nngwe ya mahosana, ₄₁le baprista Eliakime, Maaseia, Minyamine, Mikea, Elieonai, Sakaria, le Hanania, ba tshwere diterompeta, ₄₂le Maaseia, le Shemaia, le Eleasare, le Ussi, le Johanane, le Malkija, le Elame, le Esere. Dibini tsa nna tsa bina haholo, di ntse di tsamaiswa ke Jisrahia.

₄₃Tsatsing leo, Baiseraele ba hlaba mahlabelo a maholo, mme ba thaba, hobane Modimo o ne o ba thabisitse ka thabo e kgolo; esita le basadi le bana ba nna ba thaba, thabo ya Jerusalema ya ba ya utlwahala hole.

₄₄Tsatsing leo, ha bewa bahlahlobi ho hlahloba dikamore tsa mediko ya dikabelo tse kgethilweng, le ya dilopotsiya, le ya dikarolo tsa leshome, ba tle ba bokellele teng dikabelo tse tswang metseng e kamathoko, tse newang baprista le Balevi ke molao; hobane thabo e ne e le teng Juda, kahobane baprista le Balevi ba boetse ba eme pela Modimo. ₄₅Ba nna ba boloka tsohle tseo e leng tsa tshebeletso ya Modimo wa bona le tseo e leng tsa dihlwekiso; le tsona dibini le balebedi ba menyako ba etsa jwalo, kamoo ho neng ho laetse Davida le Salomone mora hae kateng; ₄₆hobane, mehleng ya Davida le Asafe, ho ne ho na le batsamaisi ba dibini le ba difela tsa ho rorisa le ho boka Modimo. ₄₇Mehleng ya Sorobabele, le mehleng ya Nehemia, Baiseraele bohle ba ne ba ntsha dikabelo tsa dibini le tsa balebedi ba menyako, kamoo ho tshwanelang ho ntshwa kateng, ka tsatsi le leng le le leng; dintho tse halalelang di ne di newa Balevi, Balevi bona ba ne ba nea bana ba Aarone dintho tse halalelang.