GENESE 36

_1-2Leloko la Esau, e leng yena Edomo, ke lena: Esau o ne a inkele basadi ba hae ho baradi ba Kanana: Ada, moradi wa Elone, Mohethe; le Oholibama, moradi wa Ana, moradi wa Tsibeone, Moheve; ₃le Basmathe, moradi wa Ishmaele, kgaitsedi ya Nebajothe. ₄Ada a tswalla Esau Elifase; Basmathe a tswala Reuele; ₅Oholibama a tswala Jeushe, le Jaelama, le Kore: bao ke bara ba Esau bao a ba tswaletsweng naheng ya Kanana. ₆Esau a nka basadi ba hae, le bara ba hae, baradi ba hae, le batho kaofela ba ntlo ya hae, le mehlape ya hae, le dikgomo tsa hae kaofela, le letlotlo la hae lohle leo a le boneng naheng ya Kanana, mme a ya naheng esele, hole le Jakobo, moenae. ₇Hobane maruo a bona a ne a le maholo, a ba sitisa ho aha hammoho, mme naha eo ba neng ba jakile ho yona e ne e sa ba lekane ka baka la mehlape ya bona. ₈Yaba Esau o ya aha thabeng ya Seire. Esau ke yena Edomo.

₉Meloko ya Esau, ntata Baedomo, thabeng ya Seire, ke yona ena. ₁₀Mabitso a bara ba Esau ke ana: Elifase, mora Ada, mohatsa Esau; Reuele, mora Basmathe, mohatsa Esau; ₁₁bara ba Elifase ya eba Themane, le Omare, le Tsefo, le Gaethame, le Kenase. ₁₂Serethe sa Elifase, mora Esau, e ne e le Thimna, mme a tswalla Elifase Amaleke. Ke bona bara ba Ada, mosadi wa Esau. ₁₃Bara ba Reuele ke bana: Nahathe le Sera, Shamma le Missa. Bana ya eba bara ba Basmathe, mosadi wa Esau. ₁₄Bara ba Oholibama, mosadi wa Esau moradi wa Ana, moradi wa Tsibeone, ya eba bana: A tswalla Esau Jeushe le Jaelame, le Kore.

₁₅Mahosana a bara ba Esau ke ana: Ho bara ba Elifase, mora Esau wa letsibolo, ke kgosana Themane, le kgosana Omare, le kgosana Tsefo, le kgosana Kenase, ₁₆le kgosana Kore, le kgosana ya Gaethame, le kgosana Amaleke. Ke wona mahosana a Elifase naheng ya Edomo. Bao ke bara ba Ada. ₁₇Bara ba Reuele, mora Esau, ke bana: Ke kgosana Nahathe, le kgosana Sera, le kgosana Shamma, le kgosana Missa. Bao ke mahosana a Reuele naheng ya Edomo. Ke bona bara ba Basmathe, mosadi wa Esau. ₁₈Bara ba Oholibama, mosadi wa Esau, ke bana: Ke kgosana Jeushe, le kgosana Jaelame, le kgosana Kore. Bao ke mahosana a Oholibama, moradi wa Ana, mosadi wa Esau. ₁₉Bao ke bara ba Esau, e leng yena Edomo, le mahosana a bona ke ao.

₂₀Bara be Seire, Mohore, bao e neng e le baahi ba naha, ke bana: Lothane, le Shobale, le Tsibeone, le Ana, ₂₁le Dishone, le Etsere, le Dishane. Ke wona mahosana a Bahore, bara ba Seire, naheng ya Edomo. ₂₂Bara ba Lothane ya eba Hori, le Hemame; kgaitsedi ya Lothane ya eba Thimna. ₂₃Bara ba Shobale ke bana: Alvane, le Manahathe, le Ebale, le Shefo, le Oname. ₂₄Bara ba Tsibeone ke bana: Aja, le Ana, ke yena Ana ya boneng didiba tse futhumetseng, lefeelleng, ha a ntse a disa diesele tsa Tsibeone, ntatae. ₂₅Bana ba Ana ke bana: Dishone le Oholibama, moradi wa Ana. ₂₆Bara ba Dishone ke bana: Hemdane le Eshbane, le Jithrane, le Kerane. ₂₇Bara ba Etsere ke bana: Bilhane, le Saavane, le Akane. ₂₈Bara ba Dishane ke bana: Utse le Arane. ₂₉Mahosana a Bahore ke ana: Ke kgosana Lothane, le kgosana Shobale, le kgosana Tsibeone, le kgosana Ana, ₃₀le kgosana Dishone, le kgosana Etsere, le kgosana Dishane. Ke wona mahosana a Bahore, mahosana a bona naheng ya Seire.

₃₁Ke ana marena a busitseng naheng ya Edomo ho eso ho buse morena ho bana ba Iseraele. ₃₂Naheng ya Edomo ha busa Bela, mora Beore, mme lebitso la motse wa hae e ne e le Dinhaba. ₃₃Bela a shwa, mme kamorao ho yena ha busa Jobabe, mora Sera wa Botsra. ₃₄Jobabe a shwa, mme kamora hae ha busa Hushame wa naha ya Bathemane. ₃₅Hushame a shwa, mme kamora hae ha busa Hadade, mora Bedade, ya kileng a hlola Bamidiane, naheng ya Moabe; mme lebitso la motse wa hae e ne e le Avithe. ₃₆Hadade a shwa, mme kamora hae ha busa Samla wa Masreka. ₃₇Samla a shwa, mme kamora hae ha busa Saule wa Rehobothe ya nokeng. ₃₈Saule a shwa, mme kamora hae ha busa Baale-Hanane, mora Akbore. ₃₉Baale-Hanane, mora Akbore, a shwa, mme kamora hae ha busa Hadare, mme lebitso la motse wa hae e ne e le Pau, lebitso la mosadi wa hae e le Mehethabeele, moradi wa Mathrede, moradi wa Mesahabe. ₄₀Mabitso a mahosana a tswileng ho Esau ka mefuta ya wona, ka metse ya wona, ka mabitso a wona, ke ana: Kgosana Thimna, kgosana Alva, kgosana Jethethe, ₄₁kgosana Oholibama, kgosana Ela, kgosana Pinone, ₄₂kgosana Kenase, kgosana Themane, kgosana Mibtsare, ₄₃kgosana Magdiele, kgosana Irame. Ke wona mahosana a Baedomo ka dinaha tsa ona lefatsheng leo ba le ruileng. O jwalo Esau, ntata Baedomo.