UZAKARIYA 9

Idorobho eliligugweli

neenkoro zoke zakwa-Israyeli ngezakaSomnini.

₂IRhamathi esemkhawulweni weDamaseku,

iTirosi neTsidoni nazo zingezakaSomnini.

ITirosi ngambala inekghono:

₃Izakhele irholo,

yazibuthelelela isiliva njengethuli

negolide njengebhudu leendledlana.

₄Kodwana uSomandla uzayiqubula,

abhubhise iinthayamanzi zayo elwandle;

iqothulwe mlilo.

₅I-Atjhikeloni izakubona lokho yesabe;

iGaza ihlengezele

ne-Ekroni iphelelwe lithemba.

Ikosi izakunyelela eGaza,

i-Atjhikeloni izakutjhiywa.

“Abaphalali bazakuphalala e-Atjhidodi

ngombana ngizaliphelisa igugu lamaFilista leli.

₇Ngizabakhafulisa inyama eneengazi

nokudla okusilapheleko emilonyenabo.”

Iye, abantu be-Atjhidodi abazakusinda

nabo bazakuba ngebakaZimethu,

bazakufana nekoro kaJuda.

Abantu be-Ekroni bona bazakufana namaJebusi.

“Ngizakuvikela inarhami epini erhiribidelako.

Akusenamgandeleli ozazenzela ebantwini bami

ngombana ngizabe ngibelusile ngesikhatheso.”

₉Jekezela khulu wena ndodakazi yeZiyoni!

Rhuwelela wena ndodakazi yeJerusalema!

Qala, ikosakho iza kuwe,

ilungile begodu iyahlula.

Ithobekile begodu ikhwele udumbana,

udumbana wamambala.

“Ngizakurhayila iinkarana zepi

neenjomani kwa-Efrayimu neJerusalema.

Imisebe yepi izakwephulwa;

ikosi leyo izakumemezela ukuthula ezizweni.

Umbuswayo uzakuthoma elwandle ukuya elwandle,

ukusuka emlanjeni iYufrathe ukuya emaphelelweni wephasi.

₁₁Wena-ke Jerusalema,

ngebanga lamatshwenyeko wabantu

enginesivumelwano nabo,

ngizakutjhaphulula iimbotjhwa zakho

ezisemgodini otjhingako.”

₁₂Buyelani erholweni, nina mbotjhwa

ngombana kunethemba!

Ngambala namhlanje uSomnini umemezela uthi:

“Wena Jerusalema,

ngizakunikela umvuzo obuyelelweko.

₁₃Ngizakusebenzisa uJuda njengomsebe wami,

u-Efrayimu abe msubela.

Ngizakujokola ngamadodanakho, wena Ziyoni,

abe mkhontwami wokuhlaba abantu beGirisi.”

₁₄USomnini uzakuvela ngehla kwabo,

umsubela wakhe uzakusubela njengombani;

uSomnini uSomandla uzakuvuthela ipalapala

eze ngesivunguvungu sangesewula.

₁₅USomnini uMninimandlawoke uzabavikela,

bazakumadlha bebarhiribidele izitha zabo

ngamatje wesarwayi;

bazipitlize.

Bazakuzala iingazi

inga majika we-aldari lokha nakatlipilijiweko.

₁₆Mhlokho uSomnini uZimabo uzabasindisa

ngombana bamhlambi wakhe.

Ngambala bazakuphazima enarhenakhe

njengamatje aligugu asesihlohlweni.

₁₇Maye bazakuba bahle

bebakarise kangangani!

Amabele nesitjhidela sewayini

kuzakwenza amasokana neentombi

zibethe esimonyongwana.