AMARHUBO 8

₂Kosethu, Somandla,

maye likhulu kangangani idumo lakho

ephasini loke!

Ubukhosi bakho bubatjazwa ukufikela emazulwini!

₃Ngemilomo yabantwana namasana

wendlale iinsekelo zesivikelo

ngokujamelana namanabakho;

iye, ngokususa izitha nabazibuyiselelako.

₄Nangiqala isibhakabhaka sakho

okumsebenzi weminwakho

inyezi neenkwekwezi,

ozinameke eendaweni zazo,

₅ngithi uyini-ke obhubhako

bona ungabe umtjheje,

ubayini umuntu wephasinapha

bona ungambeka abe mphathi na?

₆Mbala umenze

waba ngaphasana kweendalwa zezulu

wamthwesa ukuhlonitjhwa nobukhosi!

₇Wamenza waba mphathi

womsebenzi wezandla zakho;

wabeka koke

ngaphasi kweenyawo zakhe:

₈zoke izimvu neembuzi kanye neenkomo,

ngitjho neembandana zommango,

₉iinyoni zesibhakabhaka neenhlambi zelwandle

ezivundla ngemizila yamalwandle.

₁₀Kosethu, Somandla,

maye likhulu kangangani idumo lakho

ephasini loke!