AMARHUBO 63

₂Zimu, wena unguZimami!

Ngikufuna khulu:

Ihliziywami ikomele,

umzimbami uyakululukela,

ngisenarheni eyomileko nelibhudu,

lapho amanzi angekho khona.

₃Mbala ngikubone endaweni ecwengileko

ngokukhangwa mamandla nephazimulwakho.

₄Iimbhena zami zizakuvuma zikubabaze

ngombana ukwethembeka kwakho kungcono kunepilo.

₅Kwamambala ngizakudumisa qobe ngisaphila,

ngizakuphakamisa izandla zami,

ngithandaze ebizweni lakho.

₆Umphefumulwami uyaneliswa,

kubengathi ngidle amanoni nommongo;

ngikudumisa ngomlomami ngithabile,

₇lokha nangikukhumbula ngilele emsemenami,

ubusuku boke ngihumuza ibizo lakho.

₈Ngambala wena ube lisizo lami,

emthunzini wamaphikwakho ngiyahlokoma.

₉Umphefumulwami uyakunamathela

nesandla sakho sokudla siyangibamba.

₁₀Kwanga labo abazumana nokuphelisa ipilwami,

bangakhalakathela ekuzikeni kwephasi;

₁₁banikelwe esandleni sesabula,

babe kukudla kwabophagana.

₁₂Kodwana ikosethu izakuthaba ngoZimu

boke abafunga ngebizo lakaZimu bazazikhakhazisa

ngombana imilomo enamanga izakuvalwa.