AMARHUBO 46

₂UZimu ubuphephelo namandlethu;

mbala ufumaneka alisizo ngeenkhathi zobudisi.

₃Yeke angekhe sesaba,

ngitjho nanyana iphasi lizamazama,

iintaba zisikinyeka ekuzikeni kwamanzi;

₄namtjhana amanzi welwandle

arhuba, abhubhudlha amagwebu

neentaba zidengezeliswa kubhodla kwalo.

₅Kukhona umlambo

onemisele ethabisa umuzi kaZimu,

indawo ecwengileko,

lapha kuhlala khona ongoPhezulu.

₆UZimu uhlala ngemzini lowo,

angekhe wasikinywa

uZimu uzawuhlenga ngetathakusa.

₇Izizwe ziyavungama,

imibuso iyazamazama;

uZimu nazwakalisa ilizwi lakhe,

iphasi liyancibilika.

₈USomnini uMninimandlawoke, unathi;

uZimu kaJakopo ubuphephelo bethu.

₉Yizani nizobona imisebenzi kaSomnini,

obanga izehlakalo ezethusako ephasini:

₁₀Uthulisa izipi ephasini loke,

aphokghoze imisebe,

aphohloze imikhonto,

aphosele iinhlangu ngemlilweni.

₁₁Uthi: “Thulani!

Yazini bona nginguZimu,

ngimkhulu phezu kwezizwe,

ngimkhulu phezu kwephasi.”

₁₂USomnini uMninimandlawoke, unathi;

uZimu kaJakopo ubuphephelo bethu.