AMARHUBO 20

₂Kwanga uSomnini angakuphendula

ngesikhathi sokubandezelwa,

ibizo lakaZimu wakaJakopo likuvikele.

₃Inga angakuthumelela isizo

elisuka endaweni ecwengileko,

akusekele aseZiyoni;

₄akhumbule yoke iminikelwakho,

amukele imihlabelwakho yokutjhiswa.

₅Inga angakupha okufiswa yihliziywakho,

aphelelise woke amaswakho.

₆Kwanga singahlokoma ngokuhlula kwakho,

siphakamise itshwayo ebizweni lakaZimu;

iye, inga uSomnini angaphumelelisa zoke iimbawo zakho.

₇Nje-ke mina ngiyazi

bona uSomnini usiza ozesiweko wakhe,

amuphe ipendulo asezulwini lakhe elicwengileko,

ngesindiso enamandla

evela ngesandleni sakhe sokudla.

₈Abanye baqina ngeenkarana zepi,

abanye ngeenjomani,

kodwana thina siqina ngebizo lakaSomnini uZimethu.

₉Abanjalo bazakuguqa, bawe,

kodwana thina sizakusikima, sijame.

₁₀Somnini, yipha ikosethu ukuhlula!

Usiphendule lokha nasilila kuwe.