AMARHUBO 14

Iindlhayela zizitjela zithi:

“UZimu akakho.”

Zikhohlakele, zenza izinto ezinyenyisako;

akakho noyedwa owenza okulungileko.

₂USomnini usezulwini

uyabaqala abantu bephasini

ukubona bonyana kukhona ohlakaniphileko,

orhuluphela uZimu na.

₃Kodwana boke baphambukile,

boke bonakele ngokufanako;

akakho noyedwa owenza okulungileko,

akakho ngitjho namunye.

₄Kanti boke abenzi bobumbi abalemuki na?

Labo abatla abantu bami

inga badla isikwa,

abambizi uSomnini.

₅Nje-ke bazakuba nevalo khulu

ngombana uZimu usesizukulwaneni esilungileko.

₆Nina nkhohlakali,

isiqhema sabadududu ningasihlazisa,

kodwana uSomnini usiphephelo songanalitho.

₇Kwanga isindiso ka-Israyeli ingavela eZiyoni!

Lokha uSomnini natjhugulula ubujamo babantu bakhe,

uJakopo uzakurhuwelela ngethabo,

iye, u-Israyeli uzakujabula.