AMARHUBO 130

Somnini, ngilila kuwe ngisekuzikeni!

₂Somandla yizwa iphimbo lami,

iindlebe zakho azibe bukhali

elizwini lesibawo sami!

₃Somnini, nabegade ubulunga amacala,

ngubani obekangaphila na?

₄Kodwana wena unokulibalela

ukuze uhlonitjhwe.

₅Ngiqalelela uSomnini,

iye, umphefumulwami uyamqalelela!

Sengilindele ilizwi lakhe.

₆Umphefumulwami ulindela uSomandla

ukudlula ukulinda kwabalinde ukusa,

iye, ukulinda kwabalinde ukusa.

₇Israyeli, thembela kuSomnini,

ngombana unokwethembeka,

iye, unokuhlenga okubuyelelweko.

₈Nguye ohlenga u-Israyeli

emacalenakhe woke.