AMARHUBO 101

Ngizakukhalela ngokwethembeka nangokulunga,

ngokurhubela wena, Somnini.

₂Iye, ngizakuyelela indlela epheleleko.

Uzakuza nini kimi na?

Ngizakukhambakhamba ngesigodlweni sami

ngehliziyo eqotho.

₃Angekhe ngabekezelela ubukhohlakali

phambi kwami.

Ngiyayizonda indlela yeemphambeko;

angeze ngathatheka ngayo.

₄Ngizakuba kude nehliziyo eneengwegwe;

angeze ngaba nendaba nokumbi.

₅Loyo ohleba umuntu, ngizamthulisa.

Amehlo azitjhayako nehliziyo ezikhukhumezako

angeze ngayamukela.

₆Ngikhetha abaqotho enarheni

ukuze bakwazi ukuphila nami;

okhamba endleleni epheleleko

nguye ongangisebenzela;

₇owenza ikohlakalo

angekhe ahlala esigodlweni sami;

okhuluma amanga

angeze ajama phambi kwami.

₈Imihla ngemihla ekuseni

ngizakuthulisa iinkhohlakali enarheni,

ngisuse zoke iingilamkhuba emzini kaSomnini.