UNUMERI 7

₁Kwathi mhlana uMosi aqeda ukujamisa ithaberinakeli walahlukanisela kanye nepahlalo yoke ngokulizesa. Godu wahlukanisela i-aldari neensetjenziswa zakhona zoke ngokulizesa. ₂Emva kwalokho abarholi bakwa-Israyeli abaziinhloko zemindeni yaboyise, okutjho iinduna zeenkoro ebegade ziqale abatlolisweko, ₃baletha iminikelwabo phambi kwakaSomnini: iinkoloyana ezivalekileko ezisithandathu neenkomo ezilitjhumi nambili. Abarholi ababili baletha ikoloyana yinye, umrholi ngamunye waletha ikomo. Kwathi bona balethe koke lokho phambi kwethaberinakeli, ₄uSomnini wathi kuMosi: ₅“Kwamukele lokho kibo ukuze kusetjenziselwe imisebenzi yetende lokuhlanganela. Kunikele amaLevi mayelana nomsebenzi ekufuze wenziwe mumuntu ngamunye.”

₆Ngokunjalo uMosi wathatha iinkoloyana neenkomo wazinikela amaLevi. ₇Iinkoloyana ezimbili neenkomo ezine wazinikela amaGeritjhoni, ngokuya ngokomsebenzawo; ₈kwathi iinkoloyana ezine neenkomo ezibunane wazinikela amaMerari ngokomsebenzawo. Boke bebangaphasi kwesandla saka-Itamara umsa ka-Aroni umphristi. ₉Kodwana amaKhehathi akhange awanikele ilitho ngombana wona gade anomsebenzi wepahla yendawo ecwengileko ebe kufuze ayithwale ngamahlombe.

₁₀Ngelanga i-aldari elahlukaniselwa ngalo, abarholi baletha iminikelwabo yokuhloma umnyanya walo. Kwathi lokha nabaletha iminikelwabo phambi kwe-aldari, ₁₁uSomnini wakhuluma noMosi wathi: “Abalethe iminikelwabo yokuhloma umnyanya we-aldari kube mrholi munye ilanga nelanga.”

₁₂Umrholi owaletha umnikelwakhe ngelanga lokuthoma kwaba nguNarhitjhoni umsa ka-Aminadaba wekoro yakwaJuda. ₁₃Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₁₄Godu waletha nesitja segolide esinobudisi bamagremu alikhulu netjhumi, sigcwele amakha, ₁₅ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₁₆Wabuya godu wanikela nangepongo yomhlabelo wehlambululo, ₁₇iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaNarhitjhoni umsa ka-Aminadaba.

₁₈Ngelanga lesibili uNataneli umsa kaTsuwari umrholi wama-Isakari, waletha wakhe umnikelo. ₁₉Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₂₀Godu waletha nesitja segolide esinobudisi bamagremu alikhulu netjhumi, sigcwele amakha, ₂₁ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₂₂Wabuya godu wanikela nangepongo yomhlabelo wehlambululo, ₂₃iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaNataneli umsa kaTsuwari.

₂₄Ngelanga lesithathu u-Eliyabu umsa kaRheloni umrholi wamaZebuloni, naye waletha umnikelo. ₂₅Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₂₆Godu waletha nesitja segolide esinobudisi bamagremu alikhulu netjhumi, sigcwele amakha, ₂₇ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₂₈Wabuya godu wanikela nangepongo yomhlabelo wehlambululo, ₂₉iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Eliyabu umsa kaRheloni.

₃₀Ngelanga lesine u-Elitsuri umsa kaTjhedewuri umrholi wamaRubeni, naye waletha umnikelo. ₃₁Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₃₂Godu waletha nesitja segolide esinobudisi bamagremu alikhulu netjhumi, sigcwele amakha, ₃₃ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₃₄Wabuya godu wanikela nangepongo yomhlabelo wehlambululo, ₃₅iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Elitsuri umsa kaTjhedewuri.

₃₆Elangeni lesihlanu uTjhelumiyeli umsa kaTsuritjhadayi umrholi wamaSimiyoni, naye waletha umnikelo. ₃₇Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₃₈Godu waletha nesitja segolide esinobudisi bamagremu alikhulu netjhumi, sigcwele amakha, ₃₉ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₄₀Wabuya godu wanikela nangepongo yomhlabelo wehlambululo, ₄₁iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaTjhelumiyeli umsa kaTsuritjhadayi.

₄₂Elangeni lesithandathu u-Eliyasafa umsa kaDewuyeli umrholi wamaGadi, naye waletha umnikelo. ₄₃Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₄₄Godu waletha nesitja segolide esinobudisi bamagremu alikhulu netjhumi, sigcwele amakha, ₄₅ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₄₆Wabuya godu wanikela nangepongo yomhlabelo wehlambululo, ₄₇iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Eliyasafa umsa kaDewuyeli.

₄₈Ngelanga lekhomba u-Elitjhama umsa ka-Amihudi umrholi wama-Efrayimu, naye waletha umnikelo. ₄₉Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₅₀Godu waletha nesitja segolide esinobudisi bamagremu alikhulu netjhumi, sigcwele amakha, ₅₁ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₅₂Wabuya godu wanikela nangepongo yomhlabelo wehlambululo, ₅₃iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Elitjhama umsa ka-Amihudi.

₅₄Ngelanga lobunane uGamaliyeli umsa kaPedatsuri umrholi wakwaManase, naye waletha umnikelo. ₅₅Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₅₆Godu waletha nesitja segolide esinobudisi bamagremu alikhulu netjhumi, sigcwele amakha, ₅₇ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₅₈Wabuya godu wanikela nangepongo yomhlabelo wehlambululo, ₅₉iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaGamaliyeli umsa kaPedatsuri.

₆₀Ngelanga lethoba u-Abidani umsa kaGidiyoni umrholi wamaBhenjamini, naye waletha umnikelo. ₆₁Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₆₂Godu waletha nesitja segolide esinobudisi bamagremu alikhulu netjhumi, sigcwele amakha, ₆₃ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₆₄Wabuya godu wanikela nangepongo yomhlabelo wehlambululo, ₆₅iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Abidani umsa kaGidiyoni.

₆₆Ngelanga letjhumi u-Arhiyezeri umsa ka-Amitjhadayi umrholi wamaDani, naye waletha umnikelo. ₆₇Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₆₈Godu waletha nesitja segolide esinobudisi bamagremu alikhulu netjhumi, sigcwele amakha, ₆₉ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₇₀Wabuya godu wanikela nangepongo yomhlabelo wehlambululo, ₇₁iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Arhiyezeri umsa ka-Amitjhadayi.

₇₂Ngelanga letjhumi nanye uPagiyiyeli umsa ka-Okirani umrholi wama-Atjheri, naye waletha umnikelo. ₇₃Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₇₄Godu waletha nesitja segolide esinobudisi bamagremu alikhulu netjhumi, sigcwele amakha, ₇₅ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₇₆Wabuya godu wanikela nangepongo yomhlabelo wehlambululo, ₇₇iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaPagiyiyeli umsa ka-Okirani.

₇₈Ngelanga letjhumi nambili u-Arhira umsa ka-Enani umrholi wamaNafitali, naye waletha umnikelo. ₇₉Umnikelwakhe kwaba sisitja esikhulu sesiliva, sinobudisi obulikhilogremu elilodwa nesiquntu. Waletha nesitja sokunyenyeza sinobudisi obumagremu amakhulu abunane ukuya ngesilinganiso sendawo ecwengileko. Zombili izitjezo bezinomhlumba weflowuru esefiweko edutjwe ngamafutha we-oliva bona kube mnikelo weenthoro. ₈₀Godu waletha nesitja segolide esinobudisi bamagremu alikhulu netjhumi, sigcwele amakha, ₈₁ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa. ₈₂Wabuya godu wanikela nangepongo yomhlabelo wehlambululo, ₈₃iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo ka-Arhira umsa ka-Enani.

₈₄Leyo gade kuminikelo yokuhloma umnyanya we-aldari eyalethwa barholi bakwa-Israyeli ngesikhathi elahlukaniselwa ngalo. Bekuzizitja ezikulu zesiliva ezilitjhumi nambili, izitja zokunyenyeza zesiliva ezilitjhumi nambili kanye nezinye izitjana zegolide ezilitjhumi nambili. ₈₅Esinye nesinye isitja esikhulu sesiliva besinobudisi obulikhilogremu elilodwa nesiquntu bese kuthi isitja sokunyenyeza sibe nobudisi obumagremu amakhulu abunane. Ubudisi bezitja zesiliva sezizoke ukuya ngesilinganiso sendawo ecwengileko bebumakhilogremu amatjhumi amabili nabunane. ₈₆Izitja zegolide ezilitjhumi nambili ezigcwele amakha bezinobudisi obumagremu alikhulu netjhumi ngokuya ngesilinganiso sendawo ecwengileko. Ubudisi begolide lezitjezo zoke bebungaba likhilogremu nesiquntu. ₈₇Zoke iinkomo zomhlabelo wokutjhiswa bewuziinkunzi ezilitjhumi nambili, amaqama alitjhumi nambili, amaqamanyana anomnyaka munye alitjhumi nambili kanye nomnikelo wakhona weenthoro. Godu bekuneempongo ezilitjhumi nambili zomhlabelo wehlambululo. ₈₈Kuthi zoke iinkomo zomhlabelo wetjhebiswano kube ziinkunzi ezimatjhumi amabili nane, amaqama amatjhumi asithandathu, iimpongo ezimatjhumi asithandathu kanye namaqamanyana anomnyaka munye amatjhumi asithandathu. Lokho bekuminikelo yokuhloma umnyanya we-aldari emva kokobana selihlukaniselwe.

₈₉Kwathi lokha uMosi nakangena ngetendeni lokuhlanganela bona ayokukhuluma noSomnini, wezwa ilizwi likhuluma naye livela esisibekelweni somfaji wobufakazi hlangana namakerubhi amabili. Ngendlela leyo uSomnini bekakhuluma naye.