Iinkcukacha ezongezelelweyo

UJOTJHUWA 12

Irhelo lamakhosi ahlulwa ma-Israyeli

₁Lawa-ke makhosi weendawo ezahlulwa ma-Israyeli. Athumba iindawo zawezo ezingaphetjheya ngepumalanga yeJordani, ukusuka emlanjaneni i-Arinoni ukuya entabeni iRherimoni, ukufaka phakathi umrhoba woke ongepumalanga yeJordani:

₂USirhoni ikosi yama-Amori ogade ahlala eRhetjhibhoni wabusa phezu kwesiquntu seGiliyadi. Umkhawulwakhe usuka edorobheni i-Aroweri eliseligwini lomlanjana i-Arinoni ngekabeni yomrhoba wakhona, ukuyokufika emlanjaneni iJabokhi okumkhawulo wama-Amoni, ₃ukufaka phakathi ipumalanga yomrhoba weJordani ukuyela elwandle leKinerethi nokuyela elwandle le-Araba, okulilwandle leTswayi, nangetjhubeni langeBhethe-Hajetjhimothi. Ngesewula umkhawulwakhe unabela emathomeni wentaba iPisiga. ₄Amathomo lawo bekumkhawulo.

U-Ogi ikosi yeBhatjhani, ongomunye wemisalela yakwaRafa, gade ahlala e-Atjhitarothi ne-Edreyi. ₅Wabusa entabeni yeRherimoni neSaleka nakiyo yoke inarha yeBhatjhani ukuya emkhawulweni wamaGetjhuri newamaMakathi nangaphezu kwesiquntu seGiliyadi ukuya emkhawulweni kaSirhoni ikosi yeRhetjhibhoni. ₆UMosi inceku kaSomnini nama-Israyeli bawahlula. UMosi inceku kaSomnini wathatha iinarha zawo wazinikela bakwaRubeni nebakwaGathi nesiquntu sekoro yakwaManase.

₇Lawa-ke makhosi weendawo uJotjhuwa nama-Israyeli abazihlula ngetjingalanga yeJordani ukusuka eBhali-Gadi emrhobeni weLibhanoni ukuya entabeni iRhalakha enabela ukuyela ngeSeyiri. (Iindawo zawo uJotjhuwa wazinikela ama-Israyeli ukuya ngokwesabelo seenkoro zawo kobana kube lilifa lazo. ₈Iindawezo bekuziintaba, iTjhefela, umrhoba weJordani, iindawo ezithulamelwe ziintaba, irhalawumba nesewula yenarha, okutjho inarha yamaRhithi, ama-Amori, amaKanana, amaPerizi, amaRhivi namaJebusi.)

UJotjhuwa wahlula enye nenye yamakhosi alandelako:

₉

ikosi yeJerikho,

ikosi ye-Ayi (ebeyihlanu kweBhethe-Eli),

₁₀

ikosi yeJerusalema,

ikosi yeRhebroni,

₁₁

ikosi yeJarimuthi,

ikosi yeLakitjhi,

₁₂

ikosi ye-Egiloni,

ikosi yeGezeri,

₁₃

ikosi yeDebhiri,

ikosi yeGederi,

₁₄

ikosi yeRhorima,

ikosi ye-Aradi,

₁₅

ikosi yeLibhina,

ikosi ye-Adulamu,

₁₆

ikosi yeMakheda,

ikosi yeBhethe-Eli,

₁₇

ikosi yeTapuwarhi,

ikosi yeRheferi,

₁₈

ikosi ye-Afekhi,

ikosi yeLatjharoni,

₁₉

ikosi yeMadoni,

ikosi yeRhatsori,

₂₀

ikosi yeTjhimironi-Meroni,

ikosi ye-Akitjhafi,

₂₁

ikosi yeTanaka,

ikosi yeMegido,

₂₂

ikosi yeKhedetjhi,

ikosi yeJokhineyamu eKarameli,

₂₃

ikosi yeDori eligwini leDori,

ikosi yeGoyimu eGalile,

₂₄

ikosi yeTiritsa.

Kwaba makhosi amatjhumi amathathu nanye sele awoke.

Izixhobo ZeBhayibhile

Malunga neBhayibhile

Isishwankathelo seBhayibhile (en)

I-BibleSA app

IiBhayibhile

Ngathi (en)

Ivenkile yeBhayibhile (en)

IBhayibhile Yonke Imihla

Izixhobo Ezongezelelweyo ZeBhayibhile (en)

Iindaba ZeBhayibhile (en)

Umibuzo yeBhayibhile (en)

Izicwangciso Zokufunda

Ivesi-ngosuku (en)

Izixhobo zeCawa

INcwadi yeZibhalo Ezingcwele yeCawa (en)

Ulwandlalo lweNtshumayelo (en)

Umoya kaThixo phakathi kwamaphepha (en)

Umboniso weSoftware (en)

Izikhokelo Zomsebenzisi

Malunga neBibleSA

FAQ (en)

UJOTJHUWA 12

Irhelo lamakhosi ahlulwa ma-Israyeli