1 UPITROSI 4

₁Njengombana uKrestu wahlupheka enyameni, nani hlomani ilemuko elinjalo ngombana ohluphekileko enyameni ukulisile ukona. ₂Ngalokho esikhathini sokuphila kwakhe asesenyameni, akasaphili eenkanukweni zabantu, kodwana sele aphila ngentando kaZimu. ₃Iye, isikhathi esidlulileko besanele ukwenza okuthandwa ngabatjhili, niphila emanyaleni, eenkanukweni, ebudakweni, ekurhiribideleni, ematjhadeni nekulotjheni abosingazimu ekuyinto esinyenyiso. ₄Bayarareka ngokungasahlanganyeli nabo ematjhadeni wokuziphatha ngameswe kwabo nokuthukana. ₅Kodwana kuzakufanela bona baziphendulele kiloyo osele alungele ukugweba abaphilako nabafileko. ₆Ngilokho okwabangela bona ivangeli litjhunyayelwe nakabafileko ukuze bagwetjwe enyameni njengabantu boke kodwana baphile kuZimu ngokommoya.

₇Ukuphela kwezinto zoke kubandamele, yeke ncamani nizikhuze ukuze nikwazi ukuthandaza. ₈Kikho koke lokhu, thandanani ngombana ithando lisibekela izono ezinengi. ₉Yamukelanani ngaphandle kokurhonona. ₁₀Loyo naloyo owamukele isipho somusa, akasisebenzise ukusiza abanye njengenceku elungileko yomusa owandileko wakaZimu. ₁₁Okhulumako akakhulume kube njengokwamezwi kaZimu, osebenzako kube njengokwamandla uZimu amuphe wona ukuze kikho koke kudunyiswe uZimu ngoJesu Krestu. Kuye akube lidumo namandla nini nanini. Amen.

₁₂Bazalwana, ningarareki ngokulingwa okubuhlungu kangaka enikuzwako, kube sengathi nehlelwa ziziga. ₁₃Kodwana thokozani njengabahlanganyele noKrestu eenhlungwini ukuze nani nisase mhlana iphazimulwakhe yembulwako. ₁₄Nibusisiwe nabanithukako ngebanga lebizo lakaKrestu ngombana uMoya wephazimulo newakaZimu uphezu kwenu. ₁₅Akungabikhona kini ohlupheka ngombana ambulali, alisela, iselelesi namkha osibhidlamnyanya; ₁₆kodwana nangabe nihlupheka ngombana nibalandeli bakaKrestu, ningabi neenhloni ngalokho, kodwana dumisani uZimu ngombana nibizwa ngebizwelo.

₁₇Sekusikhathi sokobana ukugwetjwa kuthome endlini kaZimu. Alo, nakube kuthoma ngathi sizokuba yini isiphetho salabo abangalaleli ivangeli lakaZimu? ₁₈Umtlolo uthi: