1 IINKRONIKE 7

₁Amadodana ka-Isakari bekunguTola, uPuwa, uJatjhubi noTjhimroni; babane sebaboke.

₂Amadodana kaTola kungu-Uzi, uRefaya, uJeriyeli, uJarhimayi, uJibisamu noSamyela; bebaziinhloko zemindenabo. Eenzukulwaneni zomndeni kaTola bekunamadoda wepi. Ngesikhathi sokubusa kwakaDavida bebaziinkulungwana ezimatjhumi amabili nambili namakhulu asithandathu ngesibalo.

₃Umsa ka-Uzi bekunguJizrarhiya. UJizrarhiya namadodanakhe uMikayeli, u-Obadiya, uJuweli noYitjhiya bebaziinhloko zemindeni; babahlanu sebaboke. ₄Ngokuya ngokomlando weenzukulwana zabo, bebamadoda aziinkulungwana ezimatjhumi amathathu nathandathu alungele ukulwa ngombana gade banesithembu nabantwana abanengi.

₅Yoke eminye imindeni yekoro ka-Isakari beyinesibalo samadoda wepi aziinkulungwana ezimatjhumi abunane nalikhomba. Yoke njalo itlolwe erhelweni leenzukulwana.

₆Amadodana amathathu kaBhenjamini bekunguBhela, uBhekeri noJediyayeli.

₇Amadodana kaBhela kungu-Etsibhoni, u-Uzi, u-Uziyeli, uJerimothi no-Iri. Amadoda amahlanu la gade aziinhloko zemindeni begodu aziingorho. Iinzukulwana zabo bezinesibalo esimatjhumi amabili nambili weenkulungwana namatjhumi amathathu nane wamadoda wepi.

₈Amadodana kaBhekeri bekunguZemira, uJowatjhi, u-Eliyezeri, u-Eliyowenayi, u-Omri, uJeremothi, u-Abiya, u-Anatothi no-Alemethi. Woke lawo bekumadodana kaBhekeri, ₉neenzukulwana zawo egade zitloliswe ngokweenhloko zemindeni kumadoda wepi aziinkulungwana ezimatjhumi amabili namakhulu amabili.

₁₀Umsa kaJediyayeli bekunguBhilirhana. Amadodana kaBhilirhana kunguJewutjhi, uBhenjamini, u-Ehudi, uKenana, uZetani, uTaratjhitjhi no-Arhitjharhari. ₁₁Woke lawo bekumadodana kaJediyayeli, neenzukulwana zawo ngokweenhloko zemindeni kumadoda wepi aziinkulungwana ezilitjhumi nalikhomba namakhulu amabili alungele ukulwa.

₁₂AmaTjhufi namaRhufi bekuziinzukulwana zaka-Iri, amaRhutjhi kuziinzukulwana zaka-Arheri.

₁₃Amadodana kaNafitali bekunguJarhitsiyeli, uGuni, uJetseri noTjhalumu.

Labo bekuziinzukulwana zakaBhilirha.

₁₄Umsa kaManase bekungu-Asriyeli obelethwa mngena omAramu. Godu wabeletha uMakiri uyise kaGiliyadi. ₁₅UMakiri wathatha umfazi emindenini yamaRhufi namaTjhufi. Ibizo lomkakhe ogade ayintandokazi kuye bekunguMaka.

UTselofirhadi ogade angowesizukulwana sesibili bekanamadodakazi kwaphela.

₁₆UMaka umkaMakiri wambelethela umsana wamthiya ibizo bona nguPeretjhi. Umnakwabo wamthiya bona nguTjheretjhi. Iinzukulwana zakaGiliyadi bekungu-Ulamu noRekhemu. ₁₇Umsa ka-Ulamu bekunguBhedani. Lezo-ke bekuziinzukulwana zakaGiliyadi umsa kaMakiri omsa kaManase.

₁₈Udadwabo lakaGiliyadi bekunguMolekethi owabeletha u-Itjhihodi, u-Abiyezeri noMarhala.

₁₉Amadodana kaTjhemida bekungu-Arhiyana, uTjhekemu, uLikhirhi no-Aniyamu.

₂₀Iinzukulwana zaka-Efrayimu bekunguTjhuthelarhi uyise kaBeredi onguyise kaTarhathi uyise ka-Eliyada onguyise kaTarhathi, ₂₁uyise kaZabadi onguyise kaTjhuthelarhi.

Abahlali bendawo okumadoda weGathi babulala u-Ezeri no-Eliyadi amadodana ka-Efrayimu lokha nabalinga ukuthatha ifuywabo. ₂₂Uyise u-Efrayimu wabalilela amalanga amanengi, iinhlobo zakhe bezeza bona zizomtjhiriya. ₂₃Wayama umkakhe, wazithwala wabeletha indodana. Wayithiya ibizo lakaBheriya ngombana umndenakhe bewunesinyama.

₂₄Indodakazi ka-Efrayimu bekunguTjhera owasungula iBhethe-Rhoroni engenzasi neBhethe-Rhoroni engehla kanye ne-Uzeni-Tjhera.

₂₅U-Efrayimu gade anenye indodana okuthiwa nguRefarhi uyise kaRetjhefu onguyise kaTelarhi, uyise kaTarhana ₂₆onguyise kaLadani, uyise ka-Amihudi onguyise ka-Elitjhama, ₂₇uyise kaNuni onguyise kaJotjhuwa.

₂₈Iinarha zabo nemizabo bekuyiBhethe-Eli nemizanayo. Ngepumalanga isifunda sabo besinabela emkhawulweni weNarana, ngetjingalanga sinabela emikhawulweni yeGezeri nemizanayo. Isifundesi sifaka iTjhekemu nemizanayo besinabele nemikhawulweni ye-Aya nemizanayo.

₂₉BakwaManase bebalawula iBhethe-Tjhani nemizanayo, iTanaki nemizanayo, iMegido nemizanayo kanye neDori nemizanayo.

₃₀Amadodana ka-Atjheri bekunguJimna, uYitjhiva, uYitjhivi noBheriya. Udadwabo kunguSerarhi.

₃₁Amadodana kaBheriya kunguRhebere noMalikiyeli ogade anguyise kaBhirizayithi.

₃₂URhebhere wabeletha uJafilethi, uTjhomeri, uRhotamu nodadwabo uTjhuwa.

₃₃Amadodana kaJafilethi kunguPasaki, uBhimirhali no-Atjhivathi. Lawo bekumadodana kaJafilethi.

₃₄Amadodana kaTjhomeri bekungu-Arhi, uRohega, uRhuba no-Aramu.

₃₅Amadodana kamnakwabo lakaRhotamu kunguTsofarhi, uJimna, uTjheletjhi no-Amala.

₃₆Amadodana kaTsofarhi kunguSuwarhi, uRharineferi, uTjhuwali, uBheri, uJimra, ₃₇uBhetseri, uHodi, uTjhama, uTjhilitjha, uJitirani noBhera.

₃₈Amadodana kaJeteri bekunguJefune, uPisipa no-Ara.

₃₉Amadodana ka-Ula bekungu-Ararhi, uRhaniyeli noRitsiya.

₄₀Boke labo bekuziinzukulwana zaka-Atjheri. Bebaziinhloko zemindeni, amadoda ahloniphekako, iingorho nabarholi abaphezulu. Isibalo samadoda wepi gade siziinkulungwana ezimatjhumi amabili nathandathu.