PSALME ya 86

₁Morena, sekega tsebe o nkwe, gobane ke mohlaki, ke mohloki.

₂Leta bophelo bja ka gobane ke morapedi; thuša mohlanka wa gago e a go botilego, wena Modimo wa ka.

₃Mong wa ka, nkgaugele, gobane ke hlwa ke go bitša.

₄Thabiša pelo ya molata wago, gobane ke llaletša moya wa ka go wena Mong wa ka.

₅Gobane wena Morena o yo botho, o molebaledi; bohle ba go rapelago ba go hwetša o le Ramabobo.

₆Morena, hle nkutlwele ruri ge ke rapela, o phafogele lentšu la ka ge ke go llela.

₇Ke go bitša ke tlaletšwe, ka gobane o a nkwa.

₈Go medimo ga go moka wena, ga go sekatirotšago.

₉Ditšhaba tšohle tše o di dirilego di tlo tla tša go khunamela tša reta leina la gago.

₁₀Gobane e mogolo ke wena Modiramatete; Modimo ke wena o nnoši.

₁₁Morena, nthute tsela ya gago, ke sepele ke go botegetše; pelo ya ka o e tlemaganye le go boifa leina la gago.

₁₂Ke go leboga ka pelo ka moka, Modimo Mong wa ka; nka se kgaotše go reta leina la gago.

₁₃Gobane botho bjo o ntirago ka bjona ke bjo bogolo; o phološitše moya wa ka sekoting sa bodulabahu.

₁₄Modimo, ke tsogetšwe ke ba sehlogo; ke tsongwa ke lešaba la dinokwane; ke bao ba go se lebane nago.

₁₅Mme wena Mong wa ka, o Modimo wa lešoko le wa kgaugelo, wa go se fele pelo, Ramabobo, Rapotego.

₁₆Mpoele mme o nkgaugele. Nna molata waago o mphe maatla ago, o mphološe, nna ngwana molata waago.

₁₇Bea seka ka nna ka go ntshetša, bantlhoi ba šegame ge ba bona o nthušitše, o nkhomoditše.