PSALME ya 46

₁Modimo ke sebo sa rena le maatla a rena; ke Mohlakodiši, re mo lemogile dikotsing tše dintši.

₂Re sa tlo boifang, le ge lefase le phekgoga, le ge dithaba di tekema di wela mawatleng,

₃le ge mafula a ona a duma a gaša, le ge sehlogo sa ona se šišinya thaba.

₄Noka še; meela ya yona e thabiša motse wa Modimo, sekgethwa sa Ngwako wa Morena.

₅Morena o gare ga wona; o ka se ke wa šutha; Modimo o o phalalela e sa le ka meso.

₆Ditšhaba di a ferekana, mebušo e a šutha; o kwatša lentšu la gagwe; lefase le a tšhoga.

₇Morena wa mašaba o na le rena! Modimo wa Jakobo ke lentswesebo la rena.

₈Tlang, le bone! Še mediro ya Morena, Mohlolatšhogo faseng,

₉Mofedišadintwa go fihla mafelong a lefase, Morobakamara, Mothokgamarumo, Motšhumadikotsekamollo!

₁₀Lesetšang! Le tsebe ge Modimo e le nna, Kokamaditšhaba, Kokamalefase.

₁₁Morena wa mašaba o na le rena! Modimo wa Jakobo ke lentswesebo la rena.