PSALME ya 45

₁Pelo ya ka e bedišwa ke ditaba tše dibotse; tše ke di dirago ke direla kgoši; le leme la ka le etša lehlaka la mongwadi makgone.

₂Wena senatla go bana ba batho, molomo wa gago o tšhephile ka mabobo, wa tsebo šegofatšwa ke Modimo neng le neng.

₃Itlhame letheka ka tšhoša; mogale; re bone borena le letago la gago.

₄Letlega letagong la gago; tšwaa dira o lwele therešo, le boleta, le go loka; mme letsogo la gago le maatla le go diriše mehlolo.

₅Dibetša tša gago ke tše bogale; ditšhaba di go a loba; go loba manaba a kgoši.

₆Sedulo sa gago ke sa Modimo, ke sa neng le neng. Lehlotlo la gago la bogoši ke lehlotlo la go loka.

₇O rata gona go loka; o hloile bokgopo; ke ka lebaka leo Modimo a go beilego kgoši, a go tlotša ka makhura a lethabo, gwa hlokwa mokawena.

₈Diaparo tša gago ka moka ke tša monko o mobose. O ipshina ka modumo wa diletšo mo nywakong ya dinaka tša ditlou.

₉Mo gare ga dinatla tšago go na le barwedi ba dikgoši; mohumagadi yena o eme hleng ga gago a tšhephile ka matsaka a Ofira.

₁₀Theetša, wena ngwanenyana, o gadie, o utlwele ruri, o itebatše setšhaba sa geno le motse wa tatago.

₁₁Ke mo kgoši e tlogo kgahlwa ke botse bja gago. Mo lotšhe, gobane ke yena Mong wa gago.

₁₂Gomme morwedi wa Tiro o tlo itigela mo go wena ka dibego; bahumi ba setšhaba ba tlo tla ba phophotha.

₁₃Morwedi wa kgoši, yena ke letago fela; o ngwakong, o apere lešela la ditlhale tša gauta.

₁₄O išwa kgošing a tšhephišitšwe ka diaparo tša mebala, a latelwa ke basetsana ba thaka tša gagwe, ba tlišwa go wena.

₁₅Ba tlišwa ba thabile ba goloka, ba tsena ngwakong wa kgoši.

₁₆Barwa ba gago ba tlo dula madulong a botatago; o tlo ba bea bakgoma lefaseng ka moka.

₁₇Ke rata ge leina la gago le tsebja ke bohle ba go tlo ba gona neng le neng, gore ditšhaba tšohle di go rete mehla yohle go ya go ile.