PSALME ya 41

₁Wa lehlogonolo ke mosetšamohloki; ka mohlamobe o tlo namolelwa ke Morena.

₂Morena o tlo mo lotola, o tlo mo phediša a letlega lefaseng; a ka se mo lahletše ge manaba a befetšwe.

₃Ge a babja a le dilaong, Morena o tlo mo thekga; go lala ga gagwe a le bohlokong -- Morena o tlo phekgola tšohle.

₄Nna ke re: Morena, nkgaugele o mphodiše pelo, gobane ke go sentše.

₅Manaba a ka a mpolela ka tše mpe, a re: O tlo ba a hwa neng, leina la gagwe la fela?

₆E a tlago go ntlhola o a ikgakantšha; pelo ya gagwe e kgoba ditshele, tše e rego ge a tloga a yo di bolela kua ntle.

₇Bahloi ba ka bohle ge ba sebelana, ba lakana go ntlholela bobe.

₈Ke polelo ya matšopša ba namago nayo, ba re: Ge a robetše a le fao, a se ke a tsoga gape!

₉Le yola, mogweraka yo bohloko, yo ke bego ke mmotile, e a bego a eja bogobe le nna, o ntlhanogetše a fulara.

₁₀Mme wena Morena, nkgaugele mme o ntsoše o nkemiše, ke kgono ba lefetša.

₁₁Ge lenaba la ka le sa hlwe le thaba ka nna, ke mo ke tlogo bona ge o nthata.

₁₂Gomme nna, ge o nthekga ke se ne molato, o tlo nkemiša pele ga gago go ya go ile.

₁₃Moretwa ke Morena Modimo wa Isiraele go tloga mehleng le neng le neng. Amen, Amen.