PSALME ya 142
Mokgoši tlalelong
Thuto ya Dafida. Thapelo ya mola a le mphomeng.
1Ke hlaboša lentšu ke bitša Morena, Ke hlaboša lentšu ke llela Morena.
2Ke tšhollela dillo tša ka pele ga gagwe, ke mmotša se se ntlaletšago.
3Moya wa ka ge o gakanega, etšwe o tseba mo ke yago, ge mo tseleng ke e swerego ba ntheile ka molaba.
4Ka iša mahlo ka go le letona, ke bona go se a ntsebago, go se mo nka tšhabelago, go se a nthatago.
5Ka hlaboša lentšu ka bitša wena Morena, ka re: O setšhabelo sa ka, o lehumo la ka nageng ya ba ba phelago.
6A ke o nkwele ruri ge ke go bobolela, gobane ke fedile maatla sa ruri; nkefoše ba ba ntlhomarago, gobane ba mpheta ka maatla.
7O lokolle moya wa ka kgolegong, ke kgone go leboga leina la gago. Ge o ka ntshetša, baloki ba tlo mphuthegela.
© Bible Society of South Africa 1986. Used with permission. All rights reserved.
