PSALME ya 130

₁Morena, ke go bitša ke le fasefase sekoting!

₂Mong wa ka, kwaa lentšu la ka; tsebe ya gago a e nkwele ruri ge ke goeletša.

₃Ge wena Morena o latiša molato, gona go ka ema mang?

₄Gobane tebalelo e go wena, gore o tle o boifše.

₅Ke letetše Morena. Moya wa ka o letile. Ke holofetše lentšu la gago.

₆Moya wa ka o letetše yena Mong wa ka, o fetiša ba tišo ya meso ge ba lebeletše meso.

₇Isiraele a a holofele Morena, gobane go Morena go ne kgaugelo, go yena go na le phološokgolo.

₈Mme yena o phološa Isiraele dibeng tša gagwe tšohle.