PSALME ya 115

₁Morena, ga se la rena, ga se le rena leina, ke la gago le re rego a le retwe, gobane yo botho le yo potego ke wena.

₂Ba reng ba ditšhaba ge ba re: Modimo wa bona o kae?

₃Kganthe Modimo wa rena o kua magodimong, mme o dira tšohle tše di mo kgahlago.

₄Ya bona medimo ke ya silifera le gauta, e dirwa ke diatla tša batho.

₅E na le melomo, mme ga e bolele; e na le mahlo, mme ga e bone.

₆E na le ditsebe, mme ga e kwe; e na le dinko, gomme ga e dupe.

₇E na le diatla, gomme ga e sware; e na le dinao, mme ga e sepele; ga go ne lentšu le tšwago megolong ya yona.

₈Babopi ba yona ba swana le yona, le bohle ba e botilego.

₉Baisiraele ba bota Morena; wa go ba thuša, wa go ba kotse ya bona ke yena.

₁₀Ba leloko la Arone ba bota Morena; wa go ba thuša, wa go ba kotse ya bona ke yena.

₁₁Ba ba boifago Morena ba mmote, yena Morena wa go ba thuša, wa go ba kotse ya bona.

₁₂Morena ga a re lebale, o a šegofatša; o šegofatša ba leloko la Isiraele; o šegofatša ba leloko la Arone.

₁₃O šegofatša ba ba mmoifago, ba banyenyane le ba bagolo.

₁₄Morena o tlo le atiša, lena le bana ba lena.

₁₅Le bašegofatšwa ba Morena e a dirilego legodimo le lefase.

₁₆Magodimo ke magodimo a Morena; mme lefase o le neetše bana ba batho.

₁₇Bahu bona le ba fologetšego kua go lego khomolelo, ga ba rete Morena.

₁₈Ge e le rena, re reta Morena go tloga bjale le go ya go ile.