MALEAKI 4

₁Tsebang, gobane tšatši leo le fišago wa leretha le etla. Ka lona tšatši leo baipoti bohle le badirabobe ba tlo ba makobe; tšatši leo le tlago le tlo ba tšhuma, -- O realo Morena, -- le se ba šadiše modu le lekala. ₂Ge e le lena ba le boifago ina la ka, le tlo hlabelwa ke tšatši la toko, la phodišo diphegong tša lona, la tlo tšwa le kgarama wa mamane a nonnego. ₃Babe ba tlo gatakelwa, ka gobane ba tlo etša mobu ka tlase ga dinao tša lena, ka tšatši leo nna ke le beilego. -- O realo Morena wa mašaba. --

₄Se lebaleng molao wa Moshe mohlanka wa ka, wo ke o laetšego yena thabeng ya Horebe gore a o nee bohle Baisiraele e le ditaelo le ditshwanelo.

₅Tsebang gore nna ke tlo roma Eliya moporofeta, a tlo tla go lena, go sešo gwa fihla tšatši leo le legolo le le šiišago la Morena. ₆Yena o tlo sokolla dipelo tša botatagobana gore ba boele go bana ba bona, le pelo tša bana gore di boele go botatabo, gore ke se tlo tla ka otla lefase ka le lahla moka.