DILLO TŠA JEREMIA 5

₁Morena, se lebale tše re dirilwego tšona; gadia o bone kgobogo ya rena.

₂Naga ya gešo e tšerwe ke ba šele; nyako ya rena e dulwa ke ba mathoko.

₃Re dišuana, ga re ne tatawešo; bommawešo ke bahlologadi.

₄Meetse a rena re a nwa re a reka ka tšhelete; dikgong tša rena re di bona ka go reka.

₅Bahlomari ba re swara ka melala; ge re lapa ga re dumelelwe go ka khutša.

₆Re adibetša atla tša rena Egipita le Asuri, re re re hore bogobe.

₇Borrawešo ba sentše, mme ba ile; mme rena re rwele melato ya bona.

₈Re bušwa ke bahlanka; mme ga re na wa go ka re namolela diatleng tša bona.

₉Dijo tša rena re di tliša fa ka go gafela bophelo marumo šokeng.

₁₀Letlalo la rena le swile wa sebešo ka mollo wa tlala.

₁₁Basadi ba Tsione, baneyana ba metseng ya Juda, ba katilwe.

₁₂Bakgoma ba ba bolaile ka diatla tša bona; sefahlogo sa mogolo ga se sa godišwa.

₁₃Masogana a rwadišwa lwala; bašimanyana ba hlahlatha ka go robja ke dikota.

₁₄Kgorong ga go sa dula ba bagolo, masogana a lesitše go letša makope a bona.

₁₅Lethabo mo pelong tša rena le tlogile; dikoša tša rena di fetogile dillo.

₁₆Seala sa hlogong ya rena se wetše fase. Joo! Ke ka gobane re sentše.

₁₇Ke tšona di lwadišago pelo tša rena; ke tšona di re fifatšago mahlo.

₁₈Ke ka gobane thaba ya Tsione ya ba lešope mo go sepelago diphukubje.

₁₉Mme wena Morena o dutše o le gona neng le neng. Sedulo sa gago se hwetšwa se le gona ke merafo le merafo.

₂₀O reng o re lebetše moka? O reng o lahla go ya go ile?

₂₁Morena re gomiše, re boele go wene; e be gona go boa ga rena. Buša o re tlišetše mehla e etšago yela ya mohlamonene.

₂₂A o ka re lahla wa go lahla? A o ka re ngala ya ba moka?