JESAYA 15

₁Moeno molebaMoaba. Ari-Moaba go fedile, gobane go hutšwe bošexo. Kiri-Moaba go fedile, gobane go hutšwe bošego. ₂Babaithi le Diboni ba tshabetše dithabeng ba lla. Bamoaba ba ilo lla Nebo le Medeba; dihlogo tšohle di kutilwe, maledu ohle a bootšwe. ₃Mapatlelong a gona go aperwe mankgeretla; malapeng a gona le gohle mebileng go a llwa, selloseyelamegokgo. ₄Hesiboni le Eleale go hlabja mekgoši, megoo ya gona e kwala kua Jahatse; mašata a bagale ba Moaba a tšwa fao, ba nolegile moko. ₅Pelo ya ka e llela ba Moaba; ba motšhabo wa bona ba tla Tsoare, Egilathe Selisia; ba rotoga ka mokonya wa Luhite ka dillo; mo tseleng ya Horonaimi go tšhologa sello sa mašegerepe. ₆Joo, letsha la Nimirimi le gopile, mabjang a omile, botala bo fedile; ga go sa na morogo. ₇Bjale ba rwele tše di ba šaletšego; le thoto ya bona ba e sedišitše noka ya megokare. ₈Joo, mellwaneng ya la Moaba go kwala dillo mo go fela; go bokolla go kwala Egiliami; go golola go bona go kwala Bereelima. ₉Joo, letsha la Dimona le tletše madi, gobane Dimona go sa tlo tlelwa ke tše dingwe gape, ditau tše di tlogo tlela baphonyokgi ba Moaba le mašalela a naga.