HOSEA 3

₁Morena o boletše le nna a re: Boela o rate mosadi e a bego a ratwa ke monna wa gagwe, mme a ya a dira bootswa, boka Morena a ratile Isiraele, bona ba lebišitše difahlogo go medimo e šele, ba kganyoga dinkgwanyana tša morara.

₂Nna ka mo reka ka disilifera tše lesome le metšo e mehlano, le ka mokotla wa mabele le seripa sa mokotla wa mabele. ₃Ka bolela le yena ka re: Dula o fetše matšatši a mantši o na le nna, o lese bootswa o sa tsebe monna: le nna ke tlo dula le wena ka mokgwa woo. ₄Gobane Baisiraele ba tlo dula lebaka le letelele ba se ne kgoši, ba se ne sedimo, ba se ne kokwane, le ge e le mphamodimo le dipheku. ₅E tlo ba gona Baisiraele ba tlogo boa ba nyaka Morena Modimo wa bona, le Dafida kgoši ya bona; ba tlo tla go Morena ba mmoifa, ba tlela tše botse tša gagwe mehleng ya mafelelo.