HOSEA 14

₁Samaria o tlo otlwa ka molato wa ge a tsogetše Modimo wa gagwe. Ba tlo fela ka lerumo; bana ba bona ba tlo pšhatlaganywa; baima ba bona ba tlo fatolwa.

₂Hee Isiraele! Boela go Morena Modimo wa gago, gobane o ušitšwe ke dibe tša gago. ₃Tlang le ditaba tša lena, le boele go Modimo le re: Re lebalele molato ka moka, o re dire ka botho; re tle re go leboge ka dibego tša molomo. ₄Asuri a ka se re phološe; re ka se namele dipitsi. Re ka se hlwe re re: Modimo wa rena, re era dibopša tša diatla tša rena; gobane Mošokelwasešuwana ke wene.

₅Tlhanogo ya bona ke tlo e alafa; ke tlo ba rata ka go ithapa, gobane pefelo ya ka e ba gometše. ₆Go Isiraele ke tlo etša pula; o tlo taga bjalo ka letšoba; o tlo nama medu boka Libanoni. ₇Mahlogedi a gagwe a tlo tlala, a taga wa mohlware, monko wa gagwe wa tlo ka wa Libanoni. ₈Go tlo boa ba go dula moriting wa gagwe; ba tlo lema mabele; ba tlo bea matšobana wa morara, ba tlo retwa wa morara wa Libanoni. ₉Efuraimi ga a sa na le taba le medimo ya diswatšho. Ke nna ke mo kwago; mme ke tlo mo ela hloko. O tlo nkhwetša ke le hlare sagwe sa moriti. Ge a tlo enywa dikenyo, e tlo ba ka nna.

₁₀Yo bohlale ke mang a kago hlaloganya dilo tše? Yo a nago le temogo a di tseba? Gobane disela tša Morena di lokile. Baloki ba tšea tšona; basenyi bona ba tlo kgopša mo go tšona.