2 KORONIKA 19

₁Josafate kgoši ya Juda a boela gae Jerusalema e le šebešebe. ₂A gahlanetšwa ke Jehu morwa wa Hanani e bego e le mmoni; yena e a mo rera a re: Gale o thuša yo kgopo; o rata ba ba hloilego Morena! Bjale o tlo tlelwa ke kgalefo ya Morena. ₃Fela, go sa hweditšwe bothakga go wena ka ge o fedišitše dikokwane tša Ashera nageng ye, mme wa tiiša pelo ya gago go nyaka Modimo.

₄Gomme Josafate a dula motseng wa Jerusalema; a buša a tšwa a ya le setšhaba a fihla Bereseba le dithabeng tša Efuraimi, a ba sokollela go Morena Modimo wa botatabo. ₅A bea baahlodi nageng le dibong le metseng ka moka ya Juda. ₆Baahlodi a ba laya a re: Lebelelang se le se dirago; gobane ga le ahlole le direla batho; le ahlola le direla Morena. Yena o na le lena ditshekong. ₇Le be ba ba boifago Morena, le hlokomele se le se dirago; gobane ge le na le Modimo wa lena, go ka se ke gwa ba le bokgopo, le go beba sefahlogo sa motho, le tsogolekobong.

₈Le motseng wa Jerusalema o beile ba Balefi le baperisita, le ba bakgoma ba meloko ya Isiraele, ya ba ba kahlolo ya Morena, le ba ditsheko tša ba Jerusalema. ₉A ba laya a re: Modiro wo le o dire le boifa Morena, le ka go botega, le ka pelo ka moka. ₁₀Ditshekong ka moka tše di tlišwago go lena ke bana ba bolena ba metseng ya bona, e ka ba taba ya madi, le ge e le ya molao, goba ya ditaelo, goba ya ditshwanelo, le ge e le ya pušo, le ba eletšeng gore ba se ke ba oba molato go Morena, e se be mohlomongwe la tlelwa ke kgalefo gotee le bana ba bolena. Dirang ka mokgwa wo, gona le ka se ke la oba molato. ₁₁Amaria šo, moperisita e mogolo. Ke yena molebeledi wa lena ditabeng ka moka tša Morena. Ditabeng ka moka tša kgoši molebeledi ke Sebadya morwa wa Ismaele mokgoma wa leloko la Juda. Bahlapetši ba Balefi šeba, le a ba bona. Tiišang maatla le dire; gomme Morena o tlo ba le yo bolo.