1 KORONIKA 7

₁Bana ba Isashara ke Thola, le Phua, le Jasubu, le Simirone, ba bane ba.

₂Bana ba Thola ke Usi, le Refaya, le Jeriele, le Jabemai, le Jibisama le Samuele; ke bona bakgoma ba dilete. Ba ga Thola e be e le bagale, ba dinatla mo go ba gabo. Palo ya bona mehleng ya Dafida e be e le ba dikete tše masome a mabedi le metšo e mebedi le makgolo a selelago.

₃Barwa ba Usi ke Jisiraya; barwa ba Jisiraya ke Mikaele, le Obadya, le Joele, le Jisia, ba bahlano ba ka moka e be e le bakgoma. ₄Mo go bona dikgao tša dira di be di eya ka meloko ya bona le ka dilete tša bona; e be e le ba dikete tše masome a mararo le metšo e selelago, gobane ba be ba na le basadi le bana ba bantši.

₅Bana ba bobona mo melokong ya Isashara e be e le banna ba bagale, ba dinatla; e be e le ba dikete tše masome a seswai le metšo e šupago, ba ngwadilwe ka moka.

₆Babenyamini ke Bela, le Bekere, le Jediale, ba bararo ba.

₇Bana ba Bela ke Etsibone, le Usi, le Usiele, le Jerimothe, le Iri; ke ba bahlano. E be e le banna ba bagale; ba ngwadilwe tokologanyong ya meloko ya bona, ba tšwa dikete tše masome a mabedi le metšo e mebedi le masome a mararo a metšo e mene.

₈Bana ba Bekere ke Semira, le Joase, le Eliesere, le Elioenai, le Omiri, le Jeremothe, le Abia, le Anathothe, le Alamethe; ka moka ba e be e le bana ba Bekere. ₉Mo tokologanyong ya meloko ya bona ba ngwadilwe e le bakgoma ba dilete tša gabo, banna ba bagale, ba tšwile dikete tše masome a mabedi, le makgolo a mabedi.

₁₀Bana ba Jediaele ke Bilihana; bana ba Bilihana ke Jerusi, le Benyamini, le Ehudi, le Kenaana, le Sethana, le Tarasisi, le Ahisahara. ₁₁Ka moka ke bana ba Jediaele, bakgoma ba dilete tša gabo, banna ba bagale; e be e le ba dikete tše lesome la metšo e šupago le makgolo a mabedi ge ba etšwa dira. ₁₂Supima le Hupima e be e le bana ba Iri; ba Husima e be e le bana ba Ahere.

₁₃Bana ba Nafutali e be e le Jahatsiele, le Guni, le Jetsere, le Salume, bana ba Biliha.

₁₄Bana ba Manase e be e le Asiriele, e a belegwego ke mosadi wa gagwe wa Siria, a belega le Makiri le Gileada. ₁₅Makiri o tšere mosadi wa ga Hupima le Supima; leina la kgaetšedi ya gagwe e be e le Maaka; leina la monnagwe e be e le Tselofagadi. Tselofagadi o be a na le barwedi fela.

₁₆Maaka mosadi wa Makiri o belege morwa a mo reela leina la Perese; leina la ngwanabo e be e le Serese; barwa ba gagwe e be e le Ulama le Rakema. ₁₇Bana ba Ulama e be e le Bedane. Ke bona bana ba Gileada morwa wa Makiri morwa wa Manase.

₁₈Ge e le Molekathe kgaetšedi ya gagwe yena o belege Isihudi, le Abiesere, le Mahla. ₁₉Bana ba Semida e be e le Aheyane, le Sekema, le Likhi, le Aniama.

₂₀Bana ba Efuraimi ke Suthela; wa gagwe ke Beredi; morwa gagwe ke Thahathe; morwa wa gagwe ke Eleada; morwa wa gagwe ke Thahathe; ₂₁morwa wa gagwe ke Sabadi; morwa wa gagwe ke Suthela; morwa wa gagwe ke Esere; morwa wa gagwe ke Eladi. Bona ba bolailwe ke banna ba Gati, ba e bego e le beng ba naga yeo, mme ba tlile go thopa dikgomo tša bona. ₂₂Efuraimi tatabo a ba llela lebaka le letelele; bana babo ba tla go mo homotša. ₂₃A tsena go mosadi wa gagwe, a ima a belega morwa, a mo reela leina la Beria, ka gobane mo lapeng la gagwe ba be ba wetšwe ke kotsi yeo.

₂₄Morwedi wa gagwe e be e le Seera; yena o agile Bethe-Horoni wa ka tlase, le Bethe-Horoni wa ka tletlolo, le Useni-Seera.

₂₅Barwa ba gagwe ke Refage, le Resefe; morwa wa gagwe ke Thela; morwa wa gagwe ke Thahane; ₂₆morwa wa gagwe ke Laedana; morwa wa gagwe ke Amihudi; morwa wa gagwe ke Elisama, ₂₇morwa wa gagwe ke Nuni; morwa wa gagwe ke Joshua.

₂₈Ga gabobona mo ba dulago e be e le Bethele le metsana ya gona; ka thoko ya bohlabela e be e le Naarane, ka thoko ya bodikela e be e le Gesere le metsana ya gona go fihla Gasa le metsaneng ya gona.

₂₉Ba be ba bapetše le ba gaManase mo Bethe-Seana le metsaneng ya gona, le Taanake le metsaneng ya gona, le Megido le metsaneng ya gona le Doro le metsaneng ya gona.

Ke mo go bego go dutše bana ba Josefa morwa wa Isiraele.

₃₀Bana ba Asere ke Jemana, le Jisoa, le Jisoi, le Beria, le Serag, kgaetšedi ya bona.

₃₁Bana ba Beria ke Hebere, le Malakiele, ke yena tatago Biresaite.

₃₂Hebere a tswala Jafelethe, le Somere, le Hothama, le Sua Kgaetšedi ya bona.

₃₃Bana ba Jafelete ke Pasake, le Bimehala, le Asibathe. Ke bona bana ba Jafelete.

₃₄Bana ba Semere ke Ahi, le Rohaga, le Jehuba, le Arama.

₃₅Bana ba Helema ngwanabo ke Tsofa, le Jemina, le Selese, le Amala.

₃₆Bana ba Tsofa ke Suage, le Haranefere, le Suale, le Beri, le Jimira, ₃₇le Batsere, le Hodi, le Sama, le Silisa, le Jithirama, le Beera.

₃₈Bana ba Jethere ke Jefune, le Thisipa, le Ara. ₃₉Bana ba Ula ke Ara, le Haniele, le Ritsia.

₄₀Bona ka moka e be e le bana ba Asere, e le bakgoma ba dilete tša gabobona, banna ba ba hlaotšwego, balaodi ba dikgošana; ba be ba ngwadilwe mo tokologanyong ya madira a go hlabana; palo ya bona e be e le banna ba dikete tše masome a mabedi a metšo e selelago.