PSALMS 126

Toe die Here die lot van Sion verander het,

was dit vir ons soos 'n droom.

₂Ons het gelag en gesing.

Onder die nasies het hulle gesê:

“Die Here het groot dinge aan hierdie mense gedoen.”

₃Die Here hét groot dinge aan ons gedoen;

ons was bly.

₄Verander tog ook nou ons lot, Here,

soos U droë spruite in die Suidland

in waterstrome verander.

₅Wie met trane saai, sal die oes met gejuig inbring.

₆Al loop hy en huil terwyl hy die saaisak dra,

hy kom juigend terug

terwyl hy sy gerwe dra.