PSALMS 123

Ek sien na U op,

U wat uit die hemel heers.

₂Soos die oë van 'n slaaf

gerig is op die hand van sy eienaar,

soos die oë van 'n slavin

gerig is op die hand van haar eienares,

so is ons oë gerig op die Here ons God,

totdat Hy Hom oor ons ontferm.

₃Ontferm U oor ons, Here, ontferm U oor ons,

want ons het meer as genoeg veragting gehad,

₄meer as genoeg spot van oormoedige mense,

veragting van hovaardiges.