PSALM 127

₁'n BEDEVAARTSLIED. Van Salomo.

As die Here die huis nie bou nie, tevergeefs werk die wat daaraan bou; as die Here die stad nie bewaar nie, tevergeefs waak die wagter.

₂Tevergeefs dat julle vroeg opstaan, laat opbly, brood van smarte eet — net so goed gee Hy dit aan sy beminde in die slaap!

₃Kyk, seuns is 'n erfdeel van die Here; die vrug van die moederskoot is 'n beloning.

₄Soos pyle in die hand van 'n held, so is die seuns van die jeug.

₅Gelukkig is die man wat sy pylkoker daarmee gevul het! Hulle sal nie beskaamd staan as hulle met die vyande in die poort spreek nie.