PSALM 113

₁HALLELUJA! Loof, o knegte van die Here, loof die Naam van die Here!

₂Laat die Naam van die Here geprys word, van nou af tot in ewigheid!

₃Van die opgang van die son tot by sy ondergang moet die Naam van die Here geloof word!

₄Die Here is hoog bo al die nasies; bo die hemele is sy heerlikheid.

₅Wie is soos die Here onse God, wat hoog woon,

₆wat laag neersien, in die hemel en op die aarde?

₇Wat die geringe uit die stof oprig, die behoeftige van die ashoop af verhef;

₈om hom te laat sit by die edeles, by die edeles van sy volk.

₉Wat die onvrugbare van die huis laat woon — 'n blye moeder van kinders. Halleluja!