NÚMERI 7

₁EN op die dag toe Moses die tabernakel klaar opgerig en dit gesalf en geheilig het met al sy gereedskap, en die altaar met al sy gereedskap, en hy dit gesalf en geheilig het,

₂het die owerstes van Israel, die hoofde van hulle families, offers gebring — hulle was die owerstes van die stamme, hulle wat oor die geteldes gestaan het —

₃hulle het hul offer voor die aangesig van die Here gebring: ses tentwaens en twaalf beeste; 'n wa vir twee owerstes en 'n bees vir elkeen; en hulle het dit voor die tabernakel gebring.

₄En die Here het met Moses gespreek en gesê:

₅Neem dit van hulle aan, dat dit kan gebruik word om die dienswerk van die tent van samekoms te verrig; en jy moet dit aan die Leviete gee, aan elkeen volgens sy dienswerk.

₆Toe het Moses die waens en die beeste geneem en dit aan die Leviete gegee:

₇twee waens en vier beeste het hy aan die seuns van Gerson gegee volgens hulle dienswerk;

₈en vier waens en agt beeste het hy aan die seuns van Merári gegee volgens hulle dienswerk, onder leiding van Ítamar, die seun van die priester Aäron.

₉Maar aan die seuns van Kehat het hy niks gegee nie; want die diens van die heiligdom het op hulle gerus: hulle moes dit op die skouers dra.

₁₀En die owerstes het die inwydingsgawe van die altaar gebring op die dag toe dit gesalf is, en die owerstes het hulle offer voor die altaar gebring.

₁₁En die Here het aan Moses gesê: Elke owerste moet, elkeen op 'n afsonderlike dag, sy offer bring vir die inwyding van die altaar.

₁₂En hy wat op die eerste dag sy offer gebring het, was Nagson, die seun van Ammínadab, van die stam van Juda.

₁₃En sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₁₄een rookpan van tien sikkels goud, vol reukwerk;

₁₅een jong bul, een ram, een jaaroud lam as brandoffer;

₁₆een bokram as sondoffer;

₁₇en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Nagson, die seun van Ammínadab.

₁₈Op die tweede dag het Netáneël, die seun van Suar, die owerste van Íssaskar, aangebring —

₁₉hy het sy offer gebring: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₂₀een rookpan van tien sikkels goud, vol reukwerk;

₂₁een jong bul, een ram, een jaaroud lam as brandoffer;

₂₂een bokram as sondoffer;

₂₃en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Netáneël, die seun van Suar.

₂₄Op die derde dag die owerste van die kinders van Sébulon, Elíab, die seun van Helon.

₂₅Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₂₆een rookpan van tien sikkels goud, vol reukwerk;

₂₇een jong bul, een ram, een jaaroud lam as brandoffer;

₂₈een bokram as sondoffer;

₂₉en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elíab, die seun van Helon.

₃₀Op die vierde dag die owerste van die kinders van Ruben, Elísur, die seun van Sedéür.

₃₁Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₃₂een rookpan van tien sikkels goud, vol reukwerk;

₃₃een jong bul, een ram, een jaaroud lam as brandoffer;

₃₄een bokram as sondoffer;

₃₅en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elísur, die seun van Sedéür.

₃₆Op die vyfde dag die owerste van die kinders van Símeon, Selúmiël, die seun van Surísaddai.

₃₇Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₃₈een rookpan van tien sikkels goud, vol reukwerk;

₃₉een jong bul, een ram, een jaaroud lam as brandoffer;

₄₀een bokram as sondoffer;

₄₁en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Selúmiël, die seun van Surísaddai.

₄₂Op die sesde dag die owerste van die kinders van Gad, Éljasaf, die seun van Réhuel.

₄₃Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₄₄een rookpan van tien sikkels goud, vol reukwerk;

₄₅een jong bul, een ram, een jaaroud lam as brandoffer;

₄₆een bokram as sondoffer;

₄₇en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Éljasaf, die seun van Réhuel.

₄₈Op die sewende dag die owerste van die kinders van Efraim, Elisáma, die seun van Ammíhud.

₄₉Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₅₀een rookpan van tien sikkels goud, vol reukwerk;

₅₁een jong bul, een ram, een jaaroud lam as brandoffer;

₅₂een bokram as sondoffer;

₅₃en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elisáma, die seun van Ammíhud.

₅₄Op die agtste dag die owerste van die kinders van Manasse, Gámliël, die seun van Pedásur.

₅₅Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₅₆een rookpan van tien sikkels goud, vol reukwerk;

₅₇een jong bul, een ram, een jaaroud lam as brandoffer;

₅₈een bokram as sondoffer;

₅₉en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Gámliël, die seun van Pedásur.

₆₀Op die negende dag die owerste van die kinders van Benjamin, Abídan, die seun van Gideóni.

₆₁Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₆₂een rookpan van tien sikkels goud, vol reukwerk;

₆₃een jong bul, een ram, een jaaroud lam as brandoffer;

₆₄een bokram as sondoffer;

₆₅en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Abídan, die seun van Gideóni.

₆₆Op die tiende dag die owerste van die kinders van Dan, Ahiëser, die seun van Ammísaddai.

₆₇Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₆₈een rookpan van tien sikkels goud, vol reukwerk;

₆₉een jong bul, een ram, een jaaroud lam as brandoffer;

₇₀een bokram as sondoffer;

₇₁en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Ahiëser, die seun van Ammísaddai.

₇₂Op die elfde dag die owerste van die kinders van Aser, Págiël, die seun van Ogran.

₇₃Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₇₄een rookpan van tien sikkels goud, vol reukwerk;

₇₅een jong bul, een ram, een jaaroud lam as brandoffer;

₇₆een bokram as sondoffer;

₇₇en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Págiël, die seun van Ogran.

₇₈Op die twaalfde dag die owerste van die kinders van Náftali, Ahíra, die seun van Enan.

₇₉Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

₈₀een rookpan van tien sikkels goud, vol reukwerk;

₈₁een jong bul, een ram, een jaaroud lam as brandoffer;

₈₂een bokram as sondoffer;

₈₃en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Ahíra, die seun van Enan.

₈₄Dit was die inwydingsgawe van die altaar van die kant van Israel se owerstes op die dag toe dit gesalf is: twaalf silwerskottels, twaalf silwerkomme, twaalf goue rookpanne —

₈₅elke skottel honderd-en-dertig sikkels silwer, en elke kom sewentig; al die silwer van die goed was tweeduisend-vierhonderd volgens die sikkel van die heiligdom —

₈₆twaalf goue rookpanne, vol reukwerk; elke rookpan tien sikkels volgens die sikkel van die heiligdom; al die goud van die rookpanne was honderd-en-twintig sikkels.

₈₇Al die beeste vir die brandoffer was twaalf bulle; die ramme twaalf, die jaaroud lammers twaalf, met hulle spysoffer; en twaalf bokramme as sondoffer.

₈₈En al die beeste vir die dankoffer was vier-en-twintig bulle; die ramme sestig, die bokramme sestig, die jaaroud lammers sestig. Dit is die inwydingsgawe van die altaar nadat dit gesalf is.

₈₉En as Moses in die tent van samekoms gegaan het om met Hom te spreek, het hy die stem met hom hoor spreek van die versoendeksel af wat op die ark van die Getuienis is, tussen die twee gérubs uit. So het Hy dan met hom gespreek.