I KRONIEKE 25

₁EN Dawid en die leërowerstes het vir die diens die seuns van Asaf en Heman en Jedútun afgesonder, wat op siters en op harpe en op simbale besield gespeel het, en die getal van hulle wat die werk volgens hulle diens gedoen het, was —

₂van die seuns van Asaf: Sakkur en Josef en Netánja en Asaréla, die seuns van Asaf; onder leiding van Asaf wat volgens aanwysing van die koning besield gespeel het.

₃Van Jedútun, die seuns van Jedútun was Gedálja en Seri en Jesaja, Hasábja, Símeï en Mattítja, ses, onder leiding van hulle vader Jedútun wat op die siter besield gespeel het by die loof en prys van die Here;

₄van Heman, die seuns van Heman was Bukkía, Mattánja, Ússiël, Sébuel en Jérimot, Hanánja, Hanáni, Eliáta, Giddálti en Romámti-Eser, Josbekása, Mallóti, Hotir, Mahásiot.

₅Hulle almal was seuns van Heman, die siener van die koning in die woorde van God. Om hom te versterk, het God aan Heman veertien seuns en drie dogters gegee.

₆Hulle almal was onder leiding van hulle vader by die gesang in die huis van die Here, met simbale, harpe en siters, vir die diens in die huis van God volgens aanwysing van die koning: Asaf en Jedútun en Heman.

₇En hulle getal saam met hulle broers wat geoefend was in die gesang tot eer van die Here, almal meesters, was tweehonderd-agt-en-tagtig.

₈En hulle het die lot gewerp vir die reëling van die diens, die kleinste net soos die grootste, die meester saam met die leerling.

₉En die eerste lot het uitgekom vir Asaf, naamlik vir Josef; die tweede vir Gedálja; hy en sy broers en sy seuns was twaalf;

₁₀die derde vir Sakkur; sy seuns en sy broers, twaalf;

₁₁die vierde vir Jisri; sy seuns en sy broers, twaalf;

₁₂die vyfde vir Netánja; sy seuns en sy broers, twaalf;

₁₃die sesde vir Bukkía; sy seuns en sy broers, twaalf;

₁₄die sewende vir Jesaréla; sy seuns en sy broers, twaalf;

₁₅die agtste vir Jesaja; sy seuns en sy broers, twaalf;

₁₆die negende vir Mattánja; sy seuns en sy broers, twaalf;

₁₇die tiende vir Símeï; sy seuns en sy broers, twaalf;

₁₈die elfde vir Asáreël; sy seuns en sy broers, twaalf;

₁₉die twaalfde vir Hasábja; sy seuns en sy broers, twaalf;

₂₀die dertiende vir Súbael; sy seuns en sy broers, twaalf;

₂₁die veertiende vir Mattítja; sy seuns en sy broers, twaalf;

₂₂die vyftiende vir Jéremot; sy seuns en sy broers, twaalf;

₂₃die sestiende vir Hanánja; sy seuns en sy broers, twaalf;

₂₄die sewentiende vir Josbekása; sy seuns en sy broers, twaalf;

₂₅die agttiende vir Hanáni; sy seuns en sy broers, twaalf;

₂₆die negentiende vir Mallóti; sy seuns en sy broers, twaalf;

₂₇die twintigste vir Eliáta; sy seuns en sy broers, twaalf;

₂₈die een-en-twintigste vir Hotir; sy seuns en sy broers, twaalf;

₂₉die twee-en-twintigste vir Giddálti; sy seuns en sy broers, twaalf;

₃₀die drie-en-twintigste vir Mahásiot; sy seuns en sy broers, twaalf;

₃₁die vier-en-twintigste vir Romámti-Eser; sy seuns en sy broers, twaalf.