Psalms 110

Dit is die uitspraak

van die Here vir my heer:

“Sit aan my regterhand

totdat Ek jou vyande

'n voetbank vir jou voete maak.”

₂Uit Sion stuur die Here

jou magtige septer:

“Heers te midde van jou vyande!

₃Jou volk bied hulleself gewillig aan

op die dag van jou magsvertoon

op die heilige berge.

Uit die skoot van die daeraad

het Ek jou soos dou verwek.”

₄Die Here het 'n eed afgelê

en Hy sal nie spyt wees nie:

“Jy is priester vir altyd

volgens die orde van Melgisedek.”

₅My Heer, die een aan u regterhand

verpletter konings

op die dag van sy toorn.

₆Onder die nasies

voltrek hy die vonnis –

dit is vol lyke;

hy verpletter hoofde oor 'n groot gebied.

₇Op pad drink hy uit die spruit;

daarom sal hy sy hoof hoog hou.