Efesiërs 3

₁Om hierdie rede is ek, Paulus, die gevangene van •Christus Jesus, ter wille van julle, die heidene.

₂Julle het tog gehoor dat die taak van die bediening van God se genade teenoor julle aan my toevertrou is. ₃Deur openbaring is die geheimenis aan my bekend gemaak, soos ek reeds kortliks geskryf het. ₄Wanneer julle dit lees, sal julle daardeur my insig in die geheimenis van Christus kan begryp. ₅Die geheimenis is nie aan vorige geslagte onder die mensdom bekend gemaak, soos dit tans deur die Gees aan sy heilige •apostels en profete geopenbaar is nie, ₆naamlik dat die heidene deur die evangelie mede-erfgename, medelede van die liggaam en deelgenote aan die belofte in Christus Jesus is. ₇Van dié evangelie het ek 'n dienaar geword, ooreenkomstig die gawe van God se genade wat aan my betoon is volgens die werking van sy krag. ₈Aan my, minder as die geringste van al die •heiliges, is hierdie genade geskenk, om aan die heidene die evangelie van die onpeilbare rykdom van Christus te verkondig, ₉en om almal in te lig wat die uitvoering van die geheimenis is wat vir eeue lank verborge was in God, wat alle dinge geskep het. ₁₀Gevolglik kan die ryklik geskakeerde wysheid van God nou deur die •kerk aan die owerhede en die magte in die hemel bekend gemaak word, ₁₁ooreenkomstig sy ewige voorneme, wat Hy gemaak het in Christus Jesus, ons Here. ₁₂In Hom het ons, deur ons geloof in Hom, 'n seker en vrymoedige toegang tot God. ₁₃Daarom versoek ek julle om nie moedeloos te word as gevolg van my verdrukking ter wille van julle nie. Dit sal julle tot eer strek.

₁₄Om hierdie rede buig ek my knieë voor die Vader, ₁₅van wie elke geslag in die hemel en op aarde sy naam ontvang. ₁₆Ek bid dat Hy vir julle na die rykdom van sy heerlikheid dít sal skenk:

₂₀Aan Hom, wat deur sy krag wat in ons werk, die mag het om oneindig meer te doen as alles wat ons bid of dink, ₂₁aan Hom kom toe die heerlikheid in die •kerk en in •Christus Jesus, deur alle geslagte heen, vir ewig en ewig. •Amen.