Psalms 67

₂O God, U moet goed wees vir ons

en ons seën,

U moet na ons toe kom.

₃Dan sal die mense op die aarde weet

wat U wil hê,

al die volke sal weet dat U hulle wil red.

₄O God, die volke moet U prys,

die volke moet U prys, hulle almal

moet dit doen.

₅Die volke moet bly wees en vrolik sing,

want wanneer U die volke oordeel,

dan doen U reg aan almal.

U lei die volke op die aarde.

₆O God, die volke moet U prys,

die volke moet U prys, hulle almal moet dit doen.

₇Die aarde het koring en vrugte gegee,

God, ons God, seën ons.

₈God seën ons,

en al die mense op die aarde moet Hom eer.