Psalms 148

₁Julle moet die Here prys!

Julle wat in die hemel is, julle moet die Here prys,

julle moet Hom prys hoog daarbo.

₂Al sy engele, julle moet Hom prys,

alles in die lug, julle moet Hom prys,

₃son en maan, julle moet Hom prys,

al die sterre wat blink, julle moet Hom prys.

₄Die hoogste hemel moet Hom prys,

en die water wat bokant die hemel is.

₅Hulle moet die Naam van die Here prys,

want Hy het dit beveel, en alles was daar.

₆Hy het vir elkeen 'n plek gegee, vir altyd en altyd,

Hy het gesê dit moet so wees, en dit is so.

₇Watermonsters en al die diep water,

julle is onder op die aarde, julle moet die Here prys.

₈Vuur en hael, sneeu en miswolke,

stormwinde wat doen wat Hy sê,

₉berge en al die heuwels,

vrugtebome en al die sederbome,

₁₀wilde diere en mak diere,

diere wat kruip en voëls wat vlieg,

₁₁konings van die aarde en al die volke,

leiers en almal wat oor die aarde regeer,

₁₂jongmanne en jongmeisies,

ou manne saam met seuns,

₁₃hulle almal moet die Naam van die Here prys,

want sy Naam is belangriker as alles.

Hy is Koning van die aarde en die hemel.

₁₄Hy het sy volk sterk gemaak.

Almal wat in Hom glo, prys Hom.

Israel prys Hom, Israel, die volk wat Hom in sy tempel dien.

Julle moet die Here prys!