Job 11

₂“Jy het baie gepraat,

en iemand moet jou antwoord,

niemand moet dink dat jy reg was

toe jy dit alles gesê het nie.

₃Ons kan nie stilbly wanneer jy

al hierdie dinge sê nie,

jy het gespot, en iemand moet wys

dat jy verkeerd is.

₄Jy sê jy verstaan dinge reg,

jy sê God weet

dat jy onskuldig is.

₅Ek wens dat God self wil antwoord,

ek wens dat Hy met jou wil praat

₆en dat Hy die geheime van die wysheid

vir jou wil vertel,

want ware wysheid het baie geheime.

Jy moet weet dat God jou nie straf oor alles

wat jy verkeerd gedoen het nie.

₇Kan jy uitvind hoe groot God is,

kan jy uitvind of daar 'n plek is

waar die Allerhoogste God nie regeer nie?

₈Jy kan soek, hoër as die hemel,

dieper as die doderyk,

maar jy sal nie kan uitvind hoe groot God is nie.

₉Jy sal dit ook nie kan uitvind as jy

verder soek as die aarde en die see nie.

₁₀Wie kan vir God keer

wanneer Hy verbykom

en Hy sluit iemand toe in die tronk

en Hy roep mense bymekaar

om die persoon te oordeel?

₁₁Want God ken skynheilige mense,

Hy weet wanneer iemand verkeerd doen.

₁₂'n Dwaas kan nie verstandig word nie,

en 'n wildedonkie se vul

is nie 'n mens wanneer hy gebore word nie.

₁₃Job, as jy verstandig wil wees

en jy steek jou hande uit na God en jy bid,

₁₄as jy ophou om verkeerd te doen

en daar is nooit sonde in jou huis nie,

₁₅dan sal jy onskuldig wees,

jy sal nie skaam wees nie.

Jy sal sterk wees en jy sal vir niks

bang wees nie.

₁₆Want jy sal vergeet dat jy swaargekry het,

jy sal dink dat dit soos water is

wat verbygevloei het.

₁₇Die lig sal weer skyn in jou lewe,

die donker dinge sal verander in lig.

₁₈Jy sal weer kan hoop,

jy sal rondkyk en dan sal jy

rustig gaan slaap.

₁₉Jy sal gaan lê en jy sal

vir niemand bang wees nie,

mense sal graag jou vriende wees.

₂₀Maar mense wat verkeerd doen,

sal niks meer kan sien nie,

hulle sal nie kan vlug nie,

hulle sal net wag om te sterf.”