1 Kronieke 1

₁Hier is die name van die eerste voorvaders: Adam, Set, Enos, ₂Kenan, Mahalalel, Jered, ₃Henog, Metusalag, Lameg, ₄Noag, Sem, Gam en Jafet.

₅Jafet se nageslag was die mense van die lande Gomer en Magog, die Mediërs, die Grieke en die mense van die lande Tubal, Mesek en Tiras. ₆Gomer se nageslag was die mense van die lande Askenas, Difat en Togarma. ₇Elisa en Tarsis, die Kittiërs en die Rodaners was afstammelinge van die Grieke.

₈Gam se nageslag was die mense van die lande Kus, Egipte, Put en Kanaän.

₉Kus se nageslag was die mense van die lande Seba, Gawila, Sabta, Rama en Sabteka. Rama se nageslag was die mense van die lande Skeba en Dedan. ₁₀Kus het ook 'n seun Nimrod gehad. Hy het 'n baie sterk en belangrike man geword. ₁₁Die mense van Egipte was die voorvaders van die Ludeërs, die Anammers, die Lehabeërs, die Naftoagiete, ₁₂en die mense van die lande Patros, Kasluag en Kaftor. Die mense van Kasluag was die voorvaders van die Filistyne.

₁₃Die mense van Kanaän was die voorvaders van die mense van die lande Sidon en Het. Sidon was die oudste. ₁₄Die mense van Kanaän was ook die voorvaders van die Jebusiete, die Amoriete, die Girgasiete, ₁₅die Hewiete, die Erekiete, die Siniete, ₁₆die Arwadters, die Semariërs en die Hamatters.

₁₇Sem se nageslag was die mense van die lande Elam, Assirië, Arpaksad, Lud, Aram, Us, Geter en Mesek. ₁₈Arpaksad was die pa van Selag, en Selag was die pa van Heber. ₁₉Heber het twee seuns gehad. Die een seun se naam was Peleg. In die tyd toe Peleg gelewe het, het hulle die land verdeel. Peleg se broer was Joktan.

₂₀Joktan was die pa van Almodad, Selef, Gasarmawet, Jerag, ₂₁Hadoram, Usal, Dikla, ₂₂Ebal, Abimael, Skeba, ₂₃Ofir, Gawila en Jobab. Hulle was almal Joktan se nageslag.

₂₄Hier is die name van Abraham se voorvaders en die name van sy nageslag: Sem, Arpaksad, Selag, ₂₅Heber, Peleg, Reü, ₂₆Serug, Nahor en Tera. ₂₇Abram se naam het later verander na Abraham.

₂₈Abraham se seuns was Isak en Ismael. ₂₉Hier is hulle nageslag. Die oudste seun, Ismael, was die voorvader van die mense van die stede Nebajot, Kedar, Adbeël, Mibsam, ₃₀Misma, Duma, Massa, Gadad, Tema, ₃₁Jetur, Nafis en Kedma. Hulle was die nageslag van Ismael.

₃₂Abraham en sy byvrou Ketura was die voorouers van die mense van die lande Simran, Joksan, Medan, Midian, Jisbak en Suag. Die mense van Joksan was die voorouers van die mense van die lande Skeba en Dedan. ₃₃Die mense van Midian was die voorouers van die mense van die lande Efa, Efer, Ganok, Abida en Eldaä. Hulle almal was die nageslag van Ketura.

₃₄Abraham se ander seun was Isak. Isak se seuns was Esau en Israel. ₃₅Esau was die voorvader van die mense van die lande Elifas, Reüel, Jeüs, Jalam en Korag. ₃₆Die mense van Elifas was die voorouers van die mense van die lande Teman, Omar, Sefi, Gatam, Kenas, Timna en Amalek. ₃₇Die mense van Reüel was die voorouers van die mense van die lande Nagat, Serag, Samma en Missa. ₃₈Die mense van Seïr was die voorouers van die mense van die stede Lotan, Sobal, Sibon, Ana, Dison, Eser en Disan. ₃₉Die mense van Lotan was die voorouers van die mense van die lande Gori en Homam. Die mense van Timna was familie van die mense van die land Lotan. ₄₀Die mense van Sobal was die voorouers van die mense van die lande Aljan, Managat, Ebal, Sefi en Onam. Die mense van Sibon was die voorouers van die mense van die lande Aja en Ana. ₄₁Die mense van Ana was die voorouers van die mense van die stad Disan, en die mense van Disan was die voorouers van die mense van die lande Gamran, Esban, Jitran en Keran. ₄₂Die mense van Eser was die voorouers van die mense van die lande Bilhan, Saäwan en Jaäkan. Die mense van Dison was die voorouers van die mense van die lande Us en Aran.

₄₃Hier is die name van die konings wat in die land Edom koning was voordat die Israeliete konings gehad het: Bela seun van Beor. Sy stad was Dinhaba. ₄₄Toe Bela sterf, het Jobab koning geword. Jobab was die seun van Serag van die stad Bosra. ₄₅Toe Jobab sterf, het Gusam van Temaniete-land koning geword. ₄₆Toe Gusam sterf, het Hadad, die seun van Bedad, koning geword. Hadad het die Midianiete oorwin in die land Moab. Sy stad se naam was Awit. ₄₇Toe Hadad sterf, het Samla van die stad Masreka koning geword. ₄₈Toe Samla sterf, het Saul van die stad Regobot koning geword. Regobot was langs die rivier. ₄₉Toe Saul sterf, het Baäl-Ganan, die seun van Akbor, koning geword. ₅₀Nadat Baäl-Ganan gesterf het, het Hadad koning geword. Sy stad se naam was Paï. Hadar se vrou se naam was Mehetabel. Sy was die dogter van Matred en die kleindogter van Me-Sahab.

₅₁Nadat Hadad gesterf het, het stamhoofde in die land Edom regeer. Die stamhoofde was Timna, Alja, Jetet, ₅₂Oholibama, Ela, Pinon, ₅₃Kenas, Teman, Mibsar, ₅₄Magdiël en Iram. Dit was die stamhoofde in die land Edom.