Roadmap for Life – Day 5

₂Oho, Morena,

ako sekehele mantswe a ka tsebe,

o mamele mefehelo ya ka.

₃Wena kgosi ya ka le Modimo wa ka,

ako utlwe ha ke llela thuso.

Ke rapela wena Morena,

₂Phahamisang matsoho a lona,

le a phahamisetse Sehalalelong,

le boke Morena.

Lona ba lefatshe lohle

etsetsang Morena mehoo ya thabo,

₂sebeletsang Morena ka thabo,

tloong kapele ho yena ka ditlatse.

₃Tsebang hore Morena ke Modimo,

o re bopile, mme re ba hae;

re setjhaba sa hae,

mohlape wa makgulo a hae.

₄Kenang dikgorong tsa hae

le ntse le mmoka,

le mabaleng a hae

le ntse le mo rorisa;

mo leboheng,

le boke lebitso la hae.

₅Morena o molemo,

mohau wa hae

ke wa kamehla yohle,

botshepehi ba hae

ke bo isang melokong yohle.

₁Mora wa ka,

se lebale thuto ya ka,

pelong ya hao

melao ya ka o e boloke,

₂o tlo lelefaletswe matsatsi a hao,

lemo tsa kgotso di tle di o atele.

₃Eba le lerato, o be le botshepehi,

molaleng wa hao o itlame ka tsona;

o di ngole tlapeng la pelo ya hao.

₄O tla ratwa ke Modimo le batho,

o iketsetse lebitso mahlong a bona.

₁Bana, mamelang thuto,

thuto ya ntata lona,

le e ele hloko,

e tle le ruise kutlwisiso.

₂Ke le nea thuto ya sebele,

se e furalleng ke hona.

₃Ha ke ne ke le ngwana

ya ratwang ke ntatae,

ngwana ya mong feela,

sebokotswa-ke-mmae,

₄ntate a na nthuta, a re:

“Polelo tsa ka

di se tlohe pelong ya hao,

boloka taelo tsa ka o tle o phele.

₅Iphumanele bohlale,

iphumanele kutlwisiso,

se lebale polelo tsa ka,

o se di kgelohe;

₁₃Tshwara thuto ena, o e mamarele,

o e dise ka thata,

ke yona bophelo ba hao.