Roadmap for Life – Day 1

₂₃Morena ke yena

ya tiisang mehato ya batho,

mme o kgahlwa ke metsamao ya bona.

₂₄Leha ba ka wa, ha ba tjapallele ruri,

hobane Morena

o ba nenesa ka letsoho.

₃₃Ke yena Modimo ya mmatlafatsang,

ya ntsamaisang tseleng e ntle;

Mahlo a ka a tadima dithabeng;

ekaba thuso ya ka e tla tswa kae?

₂Thuso ya ka e tswa ho Morena,

ya entseng mahodimo le lefatshe.

₃A ke ke a tlohela leoto la hao,

a le tlohella ho thella,

molebedi wa hao a ke ke a otsela.

₄Ruri molebedi wa Iseraele

ha a otsele, ha a kgalehe.

₅Morena ke molebedi wa hao,

Morena ke moriti wa hao

ka letsohong la hao le letona.

₆Tsatsi le ke ke

la o ntsha kotsi motsheare,

leha e le kgwedi bosiu.

₇Morena o tla o sireletsa,

a o sireletse bobeng bohle,

a baballe bophelo ba hao.

₈Morena o tla o lebela

ha o eya le ha o kgutla,

ho tloha jwale le kamehla yohle.

₁Ho lehlohonolo motho

ya sa lateleng dikeletso

tsa ba kgopo,

ya sa tsamayeng

tseleng ya baetsadibe,

ya sa duleng mokgatlong wa basomi;

₂a mpa a thabela Molao wa Morena,

Molao oo a o nahana

motsheare le bosiu.

₃Eo o jwaloka sefate se hlomilweng

pela metsi a nwesetsang,

se behang ditholwana

ka nako ya tsona,

seo mahlaku a sona a sa poneng.

Yena o atleha ho tsohle

tseo a di etsang.

₃Bea mesebetsi ya hao

atleng tsa Morena,

mme merero ya hao

e tla phethahala.