Eternal Wisdom – Day 22

₁Yaba Jesu o iswa ke Moya feelleng ho ya lekwa ke Diabolosi.

₁₀Empa Jesu a re ho yena: “Tloha, Satane! Ho ngotswe, ho thwe:

₁₁Jwale Diabolosi a mo tlohela, mme bonang, mangeloi a atamela, a mo sebeletsa.

₁₁Hlomelang ka dihlomo tsohle tsa Modimo, hore le tle le tsebe ho qhela maraba a Diabolosi. ₁₂Ha re lwane le motho wa nama le madi, empa re lwana le meya e busang, le e laolang, le e renang hodima lefatshe lena la lefifi, e leng meya e kgopo, e sebakeng.

₇Ka baka leo, ikokobeletseng Modimo. Lwantshang Diabolosi, mme o tla le baleha.

₈Ebang le boitshwaro, le fadimehe. Diabolosi, sera sa lona, o solla jwaloka tau e purumang, a ntse a batla eo a ka mo harolang. ₉Itwaneleng le tiile tumelong; tsebang hore mahloko a tshwanang le a lona a ntse a hlahela bana babo lona bohle, lefatsheng lohle.

₁₂Ho lehlohonolo motho ya mamellang teko, hobane ha a se a amohelehile, o tla fumana mofapahlooho wa bophelo, oo Morena a o tshepisitseng ba mo ratang.

₁₃Ho se be motho, eo ekareng ha a le molekong, a re: “Ke lekwa ke Modimo.” Modimo ha a lekwe ke bobe, mme le yena ha a leke motho le ya mong. ₁₄Empa e mong le e mong o lekwa ha a hulwa, mme a hohelwa ke ditakatso tsa hae. ₁₅Jwale ha takatso e mpe e se e emere, e tswala sebe, mme ha sebe se se se phethehile, se tswala lefu.

₁₂Ha ho le jwalo, sebe se se ke sa busa mmeleng ya lona e shwang, sa etsa hore le mamele ditakatso tsa botho. ₁₃Le se ke la hlola le neela sebe ditho tsa lona, hore e be dihlomo tsa ho se loke; le mpe le ineele Modimo le le ba phelang, ba tsohileng bafung; le neele Modimo ditho tsa lona, hore e be dihlomo tsa ho loka.

₁₅Hlokomelang metsamao ya lona haholo; le se be dithoto, le mpe le be ba bohlale, ₁₆le sebedise monyetla oo le o fumanang, hobane mehla ena e mebe. ₁₇Ka baka leo, se fetoheng mawatla, le mpe le utlwisise seo e leng thato ya Morena. ₁₈Se tahweng ke jwala bo le isang boitahlong, le mpe le tlale Moya o Halalelang. ₁₉Kgothatsanang ka dipesalema, difela le dipina tse halalelang; rokang Morena, mme le mminele dipesalema ka dipelong tsa lona. ₂₀Kamehla lebohang Modimo Ntate ka baka la tsohle, ka lebitso la Morena wa rona Jesu Kreste.