Comfort from the Word – Day 28

₂Ho lehlohonolo motho

eo Morena a sa mmalleng molato,

eo moya wa hae o se nang thetso.

₃Ha ke ne ke sa kgutsitse,

ke ne ke opelwa ke masapo

ke ho dumaela letsatsi lohle.

₄Motsheare le bosiu

letsoho la hao le ne le nkimela,

moko wa ka o ne o omella

jwalokaha eka o tjheswa ke lebatama,

lebatama la lehlabula.

₅Ka ba ka ipolela sebe sa ka ho wena,

ka se ke ka pata molato wa ka;

ka re: “Ke tla ipolela

ditlolo tsa ka ho Morena;”

wena wa ntshwarela molato

wa sebe sa ka.

₃Metsu ya hao e ntlhabile,

letsoho la hao le nkotlile habohloko.

₄Ha ho moo ho seng bohloko

mmeleng wa ka,

ka baka la kgalefo ya hao;

ha ho bophelo masapong a ka,

ka baka la sebe sa ka.

₅Melato ya ka e mpupeditse hlooho,

e nkimela jwaloka mojaro o boima.

₆Maqeba a ka a a nkga,

a phephetha boladu,

ka baka la bothoto ba ka.

₇Ke kotlobane, ke a kgokgoba,

ke tsamaya tsatsi lohle ke hlomohile.

₈Letheka la ka le a futha,

ha ho moo ho seng bohloko

mmeleng wa ka.

₉Ke a fokola, ke robehile ditho,

ke dumaela ka baka la ho hlora

ha pelo ya ka.

₁₀Morena, o tseba tsohle

tseo ke di lakatsang,

ho fehelwa ha ka

ha ho a pateha ho wena.

₁₁Pelo ya ka e otla habohloko,

ke feletswe ke matla;

mahlo a ka a fifetse.

₁₈Ke lekgatheng la ho wa,

ke utlwa bohloko kamehla.

₂₂Morena, o se ke wa ntahla;

Modimo wa ka, se be hole le nna.

₂Modimo, o lokelwa ke thoriso,

e o lokela o le Sione;

dikano di phethelwa wena,

₃wena ya utlwang thapelo.

Batho bohle ba tla tla ho wena,