Comfort from the Word – Day 20

₉Mo tshepeng ka dinako tsohle,

mo tshepeng lona tjhaba sa heso,

mmuleleng difuba tsa lona.

Modimo ke setshabelo sa rona.

₁₀Bafo ke lefeela,

marena ke thetso;

sekaleng ba bobebe,

kaofela ha bona ke lefeela.

₁₁Se tshepeng ho hanyapetsa batho,

se ithetseng ka ho ikgapela maruo,

ka ho ikgapela maruo a ba bang;

leha maruo a lona a ka eketseha,

se beeng pelo tsa lona ho wona.

₁₂Modimo o buile hanngwe,

nna ka utlwa tsena tse pedi:

Matla ke a Modimo,

₃O kgutlisetsa motho leroleng,

o re: “Kgutlang, bana ba batho.”

₄Mahlong a hao dilemo tse sekete

di ka letsatsi la maobane

le seng le fetile,

di ka nakwana ya bosiu.

₅O fedisa batho hanghang,

e be e ke ke toro,

ba ka jwang bo melang hoseng.

₆Hoseng bo a mela, bo palese;

mantsiboya bo a pona, bo omelle.

₃Morena, ebe motho e ne e le eng,

hoo o ka mo nkelang hloohong?

Ngwana motho e ne e le eng,

hoo o ka mo hopolang?

₄Motho o tshwana le lefeela,

ditshiu tsa hae

di jwaloka moriti o fetang.